शुक्रबार, असोज ९ २०७७ | Fri, September 25, 2020
नेपालको समय: १७:४८ | UK Time: 13:03

कांग्रेस केन्द्रीय सदस्यमा खुमबहादुर पत्नीसहित ३ जना मनोनित

वीनेपाली
२०७५ जेठ २४ गते १६:२१

काठमाडौँ-नेपाली कांग्रेसका सभापति शेरबहादुर देउवाले केन्द्रीय समिति सदस्यमा स्व. नेता खुमबहादुर खड्काकी पत्नीसहित ३ जना मनोनित गरेका छन् ।

बिहीबार देउवाले लम्जुङका दिलबहादुर घर्ती, काभ्रेका शिवप्रसाद हुमागाईं र  दाङकी शीला शर्मा खड्कालाई पार्टीको केन्द्रीय कार्यसमितिको सदस्य पदमा मनोनयन गरेका हुन् । शीला खुमबहादुर पत्नी हुन् ।

देउवाले उनीहरुलाई कांग्रेसको विधान २०१७ (संशोधित र परिमार्जित) को धारा (२१) (ठ) बमोजिम पार्टीको केन्द्रीय कार्यसमितिको सदस्य पदमा मनोनयन गर्नुभएको पार्टी केन्द्रीय कार्यालयका मुख्य सचिव कृष्णप्रसाद पौडेलले जानकारी दिए ।

बिहीबारै सभापति देउवाले पार्टी विधानको धारा ४९ (१३) (क) र (ख) बमोजिम दमननाथ ढुंगाना (काठमाडौँ), तीर्थराम डंगोल (काठमाडौँ) र हिरादत्त भट्ट (कैलाली) लाई काँग्रेसको महाधिवेशन प्रतिनिधि र महासमिति सदस्य पदमा मनोनयन गरेका छन् ।

प्रतिक्रिया

सम्बन्धित सामाग्री

फेसबुक