बिहीबार, असोज ८ २०७७ | Thu, September 24, 2020
नेपालको समय: ०८:२३ | UK Time: 03:38

राजपा प्रदेश नं. २ को सरकारबाट नबाहिरिने, गठबन्धन कायमै रहने

वीनेपाली
२०७५ जेठ २४ गते १६:११

काठमाडौँ-राष्ट्रिय जनता पार्टी (राजपा) नेपालले प्रदेश नं २ को सरकारलाई दिएको समर्थन यथावत रहने स्पष्ट पारेको छ । राजपा अध्यक्ष मण्डलको बिहीबार बसेको बैठकले प्रदेश नं २ को सरकारकाविरुद्ध कुनै पनि प्रकारले अनावश्यक टिप्पणी नगर्न सम्पूर्ण पार्टीपंक्तिलाई निर्देशन दिइने निर्णय गरेको छ ।

राजपा नेपाल सम्मिलित मुख्यमन्त्री लालबाबु राउत नेतृत्वको सरकारमा आफ्नो पार्टीको समर्थन, सहयोग र सहभागिता निरन्तर रहने निर्णय बैठकले गरेको छ । अध्यक्ष मण्डलका संयोजक महन्त ठाकुरद्वारा आज जारी विज्ञप्तिमा भनिएको छ, “मधेश आन्दोलनको भावना, मधेशी जनताको चाहना र जनादेशसमेतलाई ध्यानमा राखी विभिन्न उत्तारचढावबीच राजपाले प्रदेश सरकारलाई दिएको समर्थन जारी राख्दै सरकारमा सहभागी भएर अगाडि बढ्ने निर्णय गरेको छ ।”

बुधबार राजपाका महासचिव एवं प्रदेशसभा सदस्य मनिषकुमार सुमनले प्रदेश नं २ को फोरम नेतृत्वको सरकारबाट आफ्नो पार्टी बाहिरिने अभिव्यक्ति दिएका थिए ।

प्रतिक्रिया

सम्बन्धित सामाग्री

फेसबुक