शुक्रबार, मंसिर १९ २०७७ | Fri, December 04, 2020
नेपालको समय: १६:५३ | UK Time: 11:08

साढे ३३ किलो सुन तस्करीका अभियुक्त छिरिङ वांगेल घले जेल चलान

वीनेपाली
२०७५ जेठ २० गते १६:०५

विराटनगर–बहुचर्चित साढे ३३ किलो सुन तस्करीका अभियुक्त छिरिङ वांगेल घलेले जिल्ला अदालत मोरङमा आइतबार विहान आत्मसमर्पण गरेका छन् । आजै उनले जिल्ला अदालतमा इन्कारी बयान दिएका छन् ।

लामो समय फरार रहेर प्रहरीको खोजीमा रहेका घलेले आफूमाथि लागेका सबै आरोपहरु अस्वीकार गरेका छन् । उनले सुन तस्करीका अर्का अभियुक्त भिनाजु नाता पर्ने भुजुङ गुरुङसँग नाता रहेपनि सुन तस्करीमा आफ्नो संलग्नता अस्वीकार गरेका छन् ।

उनले आफ्नो नाम पनि डा. डेबिट गुरुङ नभएको बताएका छन् । यसअघि सुन तस्करीका मुख्य अभियुक्त चुडामणि उप्रेती ‘गोरे’ समूहका ब्यक्तिले आफूहरु भरिया रहेको र डा. डेबिटको मुख्य नेतृत्व रहेको बयान दिएका थिए ।

सुन तस्करीका अभियुक्त गोरेसँग आफ्नो चिनजान नै नरहेको दाबी गर्दै उनले एक पटक मात्र देखेको बताएका छन् । उनले आफू सुन कारोबारमै संलग्न नभएको बयान पनि जिल्ला अदालतमा दिएका छन् ।

उनलाई आजै जिल्ला अदालत मोरङले पुर्पक्षका लागि थुनामा पठाएको छ ।

प्रतिक्रिया

सम्बन्धित सामाग्री

फेसबुक