पेट्रोलियम पदार्थको मुल्य वृद्धि

काठमाडौं- नेपाल आयल निगमले पेट्रोल, डिजल र मट्टीतेलको मुल्य पुनः वृद्धि गरेको छ । निगमले शनिबार मध्यरातदेखि लागु हुने गरी मुल्य वृद्धि गरेको हो ।

पेट्रोल, डिजल र मट्टीतेलको मुल्यमा तीन–तीन रुपैयाँ बढाइएको आयल निगमले जनाएको छ । अब पेट्रोलको मुल्य १ सय १३ रुपैयाँ पुगेको छ भने मट्टीतेल र डिजलको मुल्य ९५ रुपैयाँ पुगेको छ ।

अन्तर्राष्ट्रिय बजारमा मुल्यवृद्धि भएपछि त्यसलाई समायोजन गर्न मुल्यवृद्धि गरिएको निगमले जनाएको छ ।