शुक्रबार, मंसिर १९ २०७७ | Fri, December 04, 2020
नेपालको समय: २०:१७ | UK Time: 14:32

संविधान संशोधनको विषय टुंगोमा पुगिसकेको छ : दाहाल

वीनेपाली
२०७५ जेठ ७ गते १६:४४

पुष्पकमल दाहाल ‘प्रचण्ड’

काठमाडौँ- नेकपा अध्यक्ष पुष्पकमल दाहाल ‘प्रचण्ड’ले संविधान संशोधनको विषय टुंगोमा पुगिसकेको बताउँदै मधेशवादी दल सरकारमा सहभागी हुन प्राविधिक कुरा मिल्न मात्र बाँकी रहेको जानकारी दिएका छन् ।

नीति तथा कार्यक्रम सार्वजानिक भएपछि प्रतिनिधिसभा भवनबाट बाहिरिने क्रममा अध्यक्ष दाहालले भने, “राजनीतिक सहमतिमा संविधान संशोधनको कार्य टुंगोमा पुगिसकेको छ, मधेशवादी दल वर्तमान सरकारमा सहभागी हुन केही प्राविधिक कुरा मिल्न मात्र बाँकी छ, यो पनि छिट्टै टुंगिन्छ ।”

उनले सरकारको नीति तथा कार्यक्रम विगतका निर्वाचनमा सार्वजनिक भएका घोषणापत्रअनुसार आएको बताए । पत्रकारको प्रश्नमा उनले जनतासामु गरिएका प्रतिबद्धता नै नीति तथा कार्यक्रममा आएको बताउँदै संघीयता कार्यान्वयनको विषय तीन तहको संरचनालाई बलियो पार्ने कुरामा समेटिएको स्पष्ट पारे ।

प्रतिक्रिया

सम्बन्धित सामाग्री

फेसबुक