सोमबार, असोज १२ २०७७ | Mon, September 28, 2020
नेपालको समय: १४:२५ | UK Time: 09:40

नेकपाले केन्द्रीय कार्यालयको टुङ्गो एक दुई दिनमै लगाउने

वीनेपाली
२०७५ जेठ ६ गते ०:५५

प्रधानमन्त्री निवास बालुवाटारमा बिहीबार नेकपा(एमाले)का अध्यक्ष एवं प्रधानमन्त्री केपी शर्मा ओली र नेकपा(माओवादी केन्द्र)का अध्यक्ष पुष्प कमल दाहाल दुई पार्टी एकतासम्बन्धी दस्तावेजमा हस्ताक्षर गर्नुहुँदै । तस्बिर- नवीन पौडेल, रासस

काठमाडौँ, ५ जेठ । नेपाल कम्युनिष्ट पार्टीले केन्द्रीय कार्यालयको टुङ्गो एक दुई दिनमै लगाउने भएको छ ।

तत्कालीन नेकपा (एमाले) र नेकपा (माओवादी केन्द्र) का केन्द्रीय कार्यालयहरु शुक्रबार अवलोकन भइसकेको छ । धूम्रबाराहीमा केन्द्रीय कार्यालय र पेरिसडाँडामा जनसङ्गठनका कार्यालय गर्न सकिने नेकपाका केन्द्रीय सदस्य कृष्णगोपाल श्रेष्ठले बताए ।

चार सय ४१ सदस्यीय केन्द्रीय समितिका सदस्यमा नयाँलाई मनोनयन गर्न भने नीति र मापदण्ड बनाइने तथा त्यसको टुङ्गो एक दुई हप्तामा हुने जनाइएको छ । पैँतालीस सदस्यीय स्थायी कमिटी हुने नेकपामा पोलिटब्यूरो भने रहने छैन । नौ सदस्यीय सचिवालय भने गठन भइसकेको छ ।

यसैबीच नेकपा संसदीय दलको बैठक अन्तर्राष्ट्रिय सम्मेलन केन्द्रमा आज बिहान ११ बजे बस्ने जानकारी सांसद तथा पार्टी कार्यालय सचिव श्रेष्ठले दिए ।

प्रतिक्रिया

सम्बन्धित सामाग्री

फेसबुक