शनिबार, असोज १० २०७७ | Sat, September 26, 2020
नेपालको समय: ०५:०४ | UK Time: 00:19

‘सिण्डिकेट’ अन्त्य गर्ने निर्णयमा पुनर्विचार नहुने गृहमन्त्री थापाको घोषणा

वीनेपाली
२०७५ वैशाख ८ गते ११:५८

काठमाडौँ-गृहमन्त्री रामबहादुर थापाले सार्वजनिक यातायात क्षेत्रको ‘सिण्डिकेट’ अन्त्य गर्ने सरकारको निर्णयमा पुनर्विचार नहुने स्पष्ट पारेका छन् ।

शनिबार गृहमन्त्रालयमा नेपाल यातायात व्यवसायी महासंघका प्रतिनिधिमण्डलको ज्ञापनपत्र बुझ्दै उनले आन्दोलन छोडेर सरकारको निर्णयमा सहयोग गर्न व्यवसायीलाई आग्रह गरे ।

उनले भने, “हामी केही यातायात व्यवसायीको मात्रै हित हुने सिण्डिकेटको पक्षमा छैनौँ, सबै यातायात व्यवसायीको हित हुने गरी निर्णय गरेका छौँ ।”

गत वैशाख ४ गतेको मन्त्रिपरिषद् बैठकले हाल जिल्ला प्रशासन कार्यालयमार्फत यातायात व्यवसायी समितिलाई संस्थाका रुपमा दर्ता गरिँदै आएकामा अब दर्ता तथा नवीकरण नगर्ने निर्णय गरेको थियो । अब यातायात समिति कम्पनीका रुपमा दर्ता हुनुपर्नेछ ।

प्रतिक्रिया

सम्बन्धित सामाग्री

फेसबुक