शनिबार, असोज १० २०७७ | Sat, September 26, 2020
नेपालको समय: १३:५६ | UK Time: 09:11

विमान दुर्घटनाको १४ घण्टा पछि अन्तर्राष्ट्रिय उडान शुरु

रासस
२०७५ वैशाख ७ गते ११:३६

विहिवार राति त्रिभुवन विमानस्थलवाट उडनेक्रममा धावनमार्गवाट वाहिर गएको मालिन्दो यएरको विमानलाई विमानस्थलवाट हटाएर लैजादै । तस्बिर – प्रदीपराज वन्त, रासस

काठमाडौँ, ७ वैशाख – मलेशियाका लागि उड्न लागेको मालिन्दो एयरको जहाज त्रिभुवन अन्तर्राष्ट्रिय विमानस्थलको धावन मार्गमै धसिएर बन्द भएको अन्तर्राष्ट्रिय उडान आज मध्याह्नबाट चालु भएको छ ।

हिजो राति दुर्घटनामा परेको जहाजलाई तानेर त्यहाँबाट हटाएपछि अन्तर्राष्ट्रिय उडान सञ्चालन भएको विमानस्थलका महाप्रबन्धक सञ्जिव गौतमले जानकारी दिनुभयो । विमान दुर्घटना भएको १४ घण्टा पछि पुनः अन्तराष्ट्रिय उडान शुरु भएको हो ।

मालिन्दो एयरको जहाज मलेसिया उडान भर्ने क्रममा बिहीबार राति १० बजेर ७ मिनेटमा धावनमार्गबाट अनियन्त्रित भएर करिव ४० मिटरसम्म कोटेश्वरखण्डको घाँसे मैदानमा पुगेकाले सबै अन्तर्राष्ट्रिय उडान बन्द भएको थियो ।

अन्तर्राट्रिय उडान शुरु भएसँगै पहिलो प्राथमिकता हिजो राति अन्यत्र मोडिएका विमानलाई अवतरण गराइने विमानस्थलले जनाएको छ ।

प्रतिक्रिया

सम्बन्धित सामाग्री

फेसबुक