बिहीबार, असोज ८ २०७७ | Thu, September 24, 2020
नेपालको समय: ०३:२६ | UK Time: 22:41

रारा–कर्णाली पर्यटन वर्ष २०७५ उद्घाटन

रासस
२०७५ वैशाख २ गते १:३८

रारा कर्णाली पर्यटन बर्षको शुभारम्भ कार्यक्रम समुदघाटन गर्न शुक्रबार मुगु पुग्नु भएका प्रधानमन्त्री केपी शर्मा ओली शनिबार विहान मुगुको राराबाट देशवासीको नाममा सम्बोधन गर्नुहुँदै । तस्वीर सौजन्य – प्रधानमन्त्रीको सचिवालय

मुगु, १ वैशाख – प्रधानमन्त्री केपी शर्मा ओलीले रारा –कर्णाली पर्यटन वर्ष २०७५ को आज यहाँ एक समारोहबीच उद्घाटन गर्नुभयो ।

सो अवसरमा उहाँले रारा एक पटक जानै पर्ने ठाउँ भएको बताउँदै ‘छायाँनाथ हेर्ने हो भने वैशमै जाउँ, बुढेशकाल लागेपछि गारहो हुँदोरहेछ’ भन्नुभयो ।

प्रधानमन्त्री ओलीले भन्नुभयो, “रारालाई पर्यटकीय आकर्षक गन्तव्य बनाइने, जडीबुटीको प्रदेश कर्णालीलाई अर्गानिक प्रदेश, कर्णाली राजमार्गको स्तरवृद्धि, सुर्खेत र मुगु जोड्ने सडक निर्माण, हवाई यातायात नियमित र राराको सुन्दरता एंव पवित्रता कायम गरिने छ ।”

संस्कृति, पर्यटन तथा नागरिक उड्डयानमन्त्री रविन्द्रप्रसाद अधिकारीले रारा र से फोक्सेण्डोलाई पर्यटकीय सर्किटमा जोडिने बताउनुभयो ।

शिक्षा, विज्ञान तथा प्रविधिमन्त्री गिरिराजमणि पोखरेलले दुई वर्षभित्र निरक्षरता उन्मूलन गर्ने र यो वर्ष विद्यार्थी भर्नाका लागि राष्ट्रिय अभियान अगाडि बढाउने धारणा व्यक्त गर्नुभयो ।

आज मात्र १५ हजार आन्तरिक तथा बाह्य पर्यटक रारा पुगेका छन् ।

प्रतिक्रिया

सम्बन्धित सामाग्री

फेसबुक