शुक्रबार, मंसिर १९ २०७७ | Fri, December 04, 2020
नेपालको समय: २२:५६ | UK Time: 17:11

बैशाखबाट जलमार्ग सम्भाव्यताबारे अध्ययन गरिने

वीनेपाली
२०७४ चैत २७ गते १७:१०

काठमाडौँ-भौतिक पूर्वाधार तथा यातायात मन्त्री रघुवीर महासेठले आगामी बैशाखबाट नै जलमार्ग निर्माणबारे सम्भाव्यता अध्ययन शुरु गर्ने बताएका छन् । मंगलबार राजधानीमा आयोजित साक्षात्कारमा उनले विगतमा प्रधानमन्त्रीले पानीजहाजको कुरा गर्दा विभिन्न तरिकाबाट उडाउने काम भएको भन्दै मन्त्री महासेठले पानीजहाजको सपना साकार हुने दाबी गरे ।

बैशाखको पहिलो साताबाट नै सम्भाव्यता अध्ययनबारे महाशाखा बनाएर काम अघि बढ्ने पनि उनले बताए । भारत भ्रमण दलका सदस्यसमेत रहेका मन्त्री महासेठले प्रधानमन्त्री ओलीको भ्रमणका क्रममा भारत र नेपाल दुवै देशका प्रधानमन्त्रीले अहिलेसम्म भएका सन्धि-सम्झौता कार्यान्वयन गर्ने प्रतिबद्धता जनाएकाले आफूहरु भारतसँग भएका सम्झौता कार्यान्वयन हुन्छ भन्नेमा विश्वस्त रहेको पनि बताए ।

मन्त्री महासेठले प्रधानमन्त्रीको तीनदिने भारत भ्रमण सफल र उपलब्धिमूलक भएको पनि बताए । भ्रमणको दौरानमा भारतसँग राष्ट्रिय हित, सार्वभौमसत्ता, राष्ट्रिय एकता, अखण्डता र स्वतन्त्रतालाई ध्यानमा राखेर सहमति गरेको स्पष्ट पारे ।

भारतसँग विगतमा भएका कुरा बिर्सिएर अब नयाँ ढंगले अघि बढ्ने समझदारी भएको पनि उनले जानकारी गराए ।

प्रतिक्रिया

सम्बन्धित सामाग्री

फेसबुक