बुधबार, मंसिर १० २०७७ | Wed, November 25, 2020
नेपालको समय: ००:१७ | UK Time: 18:32

प्रहरी प्रमुखमा सर्वेन्द्र, सशस्त्रमा शैलेन्द्र नियुक्त

वीनेपाली
२०७४ चैत २७ गते १६:१६

तस्वीर- टीएसटी

काठमाडौँ-सरकारले नेपाल प्रहरीको महानिरीक्षकमा सर्वेन्द्र खनाल र सशस्त्र प्रहरी बल नेपालको महानिरीक्षकमा शैलेन्द्र खनाललाई बढुवा नियुक्ति गरेको छ ।

प्रधानमन्त्रीको सरकारी निवास बालुवाटारमा मंगलबार साँझ बसेको मन्त्रिपरिषद्को बैठकले  उक्त पदमा नियुक्त गर्ने निर्णय गरेको सञ्चार तथा सूचना प्रविधि राज्यमन्त्री गोकुलप्रसाद बाँस्कोटाले जानकारी दिए । राज्यमन्त्री बाँस्कोटाका अनुसार दुवैलाई पर्सि चैत २९ गतेदेखि लागू हुने गरी जिम्मेवारी दिइएको हो ।

संगठनमा प्रहरी नायब महानिरीक्षकको वरियतामा दुवै जना शीर्षस्थानमा रहेका थिए । नेपाल प्रहरीका महानिरीक्षक प्रकाश अर्याल र सशस्त्रका महानिरीक्षक सिंहबहादुर श्रेष्ठ तीस वर्षे अवधिका कारण भोलि बुधबारदेखि अवकाशमा जाँदै छन् ।

खनाल २२ महिना नेपाल प्रहरीको आइजिपी बन्नेछन् भने शैलेन्द्रले ४ वर्ष सशस्त्र प्रहरी प्रमुखको जिम्मेवारी सम्हाल्ने छन् ।

प्रतिक्रिया

सम्बन्धित सामाग्री

फेसबुक