नेपाल डिभिजन–२ को उपविजेता, युएईसँग ७ रनको झिनो अन्तरले पराजित

काठमाडौं- आइसीसी विश्व क्रिकेट लिग डिभिजन–२ मा नेपाल उपविजेतामै सिमित भएको छ । बिहीबार नामिबियामा भएको उपाधि भिडन्तमा कप्तान पारस खड्काको शतकीय पारीका बाबजुद नेपाल ७ रनले पराजित हुन पुगेको हो ।

पहिलो ब्याटिङ गरेको युएईले निर्धारित ५० ओभरमा २ सय ७७ रन जोडेको थियो । जवाफी ब्याटिङ उत्रिएको नेपालले ५० ओभरमा ८ विकेट गुमाएर १ सय ७० रनमात्र जोड्न सक्यो ।

नेपालका लागि ८ छक्का र तीन चौका प्रहार गरेका पारस खड्काले नटआउट ११२ रन जोडे । यस्तै, दीपेन्द्रसिंह ऐरी ३५, शदर भेषावकरले ३० रन जोडे । ज्ञानेन्द्र मल्लले २४ र रोहित पौडेलले २३ रन जोडे ।

युएईका बलर अमिर हायतले ४ विकेट लिए । यस्तै इमरान हैदरले २ तथा मोहमन्द मुस्ताफ र अहमद राजाले एक एक विकेट लिए ।

यसअघि युईएका लागि अस्फाक अहमदले शतकीय पारी खेलेका थिए । उनले १० चौका र तीन छक्का प्रहार गर्दै ११४ रन जोडे । यस्तै, रोहन मुस्ताफा ५१ र रमिज शाहजाद ४१ त्था समीन अनवरले ४० रनको पारी खेले ।

नेपालका लागि सोमपाल कामी, बसन्त रेग्मी र सन्दीप लामिछानेले एक एक विकेट लिए ।