आखिर प्रिती जिन्टाको टिमका भए क्रिस गेल

टी २० का सबैभन्दा विस्फोटक ब्याटसम्यान क्रिस गेल यो आइपिएलमा सबैभन्दा ठूलो ‘सरप्राइज’ बनेका छन् । उनलाई कुनै पनि टिम खरिद गर्ने मुडमा थिएन । गेल तेस्रो राउण्डमा पुगेपछि बिक्री भएका हुन् ।

उनलाई प्रिति जिन्टाले आफ्नो टिममा राखिन् । गेलका लागि किंग्स इलेभन पन्जाबले २ करोड भारतीय रुपैयाँ खर्च गरेको छ । यो गेलको वेष्ट प्राइस हो । अक्सनपछि पन्जाबका टिम मेन्टर वीरेन्द्र सेहवागले भने, ‘गेल टी२० का निकै ठूला ब्राण्ड हुन् । हामी यसपटक उनलाई यसैगरी प्रयोग गर्नेछौं ।’

२७ जनवरीमा अक्सनको पहिलो दिन १ सय १० जना खेलाडीको अक्सन लागेको थियो । जसमा केवल ७८ खेलाडी बिक्री भएका थिए । बाँकी खेलाडी ‘अनसोल्ड’ रहेका थिए । ती खेलाडीमाथि आइतबार फेरि बोली लगाइएको थियो । जसमा केही खेलाडी दोस्रो राउण्डमा बिक्री भएका छन् ।

धेरैजसो टिमले खेलाडीहरुलाई वेष्ट प्राइसमा खरिद गरेका छन् ।