वेटिङ प्रधानमन्त्रीका रुपमा हेरिएका ओलीले भने-‘अस्थायी राजधानीमा नलडौं’

नेकपा एमाले अध्यक्ष केपी शर्मा ओली बैंककमा स्वास्थ्य परीक्षण गरी बिहीबार स्वदेश फर्कने क्रममा त्रिभुवन अन्तर्राष्ट्रिय विमानस्थलको अति विशिष्ट कक्षमा सञ्चारकर्मीसँग कुरा गर्दै । तस्बिर – रत्न श्रेष्ठ, रासस

काठमाडौं – भावी प्रधानमन्त्रीका रुपमा हेरिएका एमाले अध्यक्ष केपी शर्मा ओलीले प्रदेशका अस्थायी राजधानीलाई लिएर आन्दोलन नगर्न आग्रह गरेका छन् । बिहीबार एकसाता लामो उपचारपछि बैंककबाट काठमाडौं फर्किएका ओलीले राजधानी तोक्ने अधिकार प्रदेशसभामा भएकाले अब आन्दोलन गर्न जरुरी नरहेको बताए ।

सरकारले तोकेको अस्थायी राजधानीका विषयमा आन्दोलन गर्नु वाञ्चनीय नभएको बताउँदैं उनले आवश्यकता र सन्तुलनका आधारमा प्रदेशसभाले यसबारेमा निर्णय गर्ने बताए । ‘राजधानी तोक्ने अधिकार प्रदेशसभालाई छ, अब आन्दोलन जरुरी छैन्’- उनले भने, ‘आवश्यकता र सन्तुलनका आधारमा प्रदेश सभाले निर्णय गर्छ ।’

उनले सरकारलाई आफूले अस्थायी राजधानी र प्रदेश प्रमुख तोक्ने सहमति दिएको उल्लेख गर्दै तर सरकारले सहमतिका आधारमा प्रदेश प्रमुख र अस्थायी राजधानी नतोकेको बताए । उनले अर्को सरकारले यसलाई मान्यता दिन नसक्ने पनि बताए ।

एमाले र माओवादी केन्द्रबीच हुने पार्टी एकता भत्काउन केही शक्ति लागिरहेको दाबी गर्दै ओलीले अब त्यसको सम्भावना नरहेको बताए । उनले पार्टी एकताका विषयमा शंका नगर्न पनि आग्रह गरे ।

प्रतिक्रिया

सम्बन्धित सामाग्री