त्रिपोली, लिविया, १ माघ – आप्रवासी शरणार्थी सम्बन्धि अन्तर्राष्ट्रिय संगठन (आइओएम) ले सन् २०१७ मा यूरोप तथा अमेरिका हिँडेका करिब २० हजार गैरकानूनी आप्रबासी शरणार्थीलाई आफ्नो देश फिर्ता गरिएको जनाएको छ ।
उक्त संस्थाले सन् २०१७ मा मात्र २० हजार जना गैरकानूनी आप्रबासी शरणार्थीलाई सम्बन्धित देशको राजधानीमा हवाई मार्गमार्फत फिर्ता पठाइएको जनाएको हो ।
आइओएमले स्वयंसेवी विभाग ‘भोलुन्टरी रिटर्न प्रोग्राम’ नै राखेर यसरी गैरकानुनी रुपमा विदेश हिँडेका आप्रवासीलाई स्वदेश फर्काइएको बताएको छ । स्वदेश पठाइएका आप्रवासीमध्ये प्रायजसो विभिन्न अफ्रिकी तथा एसियाली देशका नागरिक रहेको पनि उक्त संस्थाले प्रकाशन गरेको विज्ञप्तिमा उल्लेख छ ।
आप्रवासीले पछिल्लो समयमा उनीहरुको यूरोप तथा अमेरिका प्रस्थान गर्ने मुख्य गन्तव्यको विन्दु लिवियालाई बनाउंदै आएका छन् ।
सो देशमा विभिन्न देशका गैरकानुनी आप्रवासीहरुले गन्तव्यको एक ‘ट्रान्जिट’ बनाउँदा केही बर्षदेखि सो मुलुकको अवस्था पनि अस्तव्यस्त बनेको समाचारमा जनाइएको छ ।
