तमुधिं यूकेको ल्होछारका लागि लन्डन आइपुगे कलाकार (फोटो फिचर)

लन्डन । तमुधिं यूकेको १७ औं ल्होछार कार्यक्रमका लागि नेपालबाट कलाकारहरु लन्डन उत्रिएका छन् । बुधबार सांझ गायक गायिका नरजंग गुरुङ र मेलिना राईलाई हिथ्रो टर्मिनल फोरमा तमुधिं यूके अध्यक्ष ज्ञाम गुरुङ, उपाध्यक्षहरु हितकाजी गुरुङ, नन्दजंग गुरुङ, फोटोपत्रकार मिलन तमु लगायत तमुधिं यूके पदाधिकारीहरुले स्वागत गरेका थिए । ति कलाकारहरुले बेलायतमै रहेका अन्य कलाकारहरु बीमाकुमारी 
दुरा, धन गुरुङ, अश्मी गुरुङ र मन्जु बिकका साथ ल्होछारमा आफ्नो कला प्रस्तुत गर्नेछन् ।

आगामी ३० डिसेम्बर, २०१७ सांझ रेडिङस्थित रिभरमेड लिजर कम्प्लेक्समा ल्होछार कार्यक्रम हुंदैछ । चरा वर्गको विदाइ गर्दै कुकुर वर्गको स्वागत गरेर बेलायतका तमुहरुले तमु जातीको मौलिक महान पर्व ल्होछार मनाउन लागेका हुन् ।

धार्मिक पूजासहित सांस्कृतिक कार्यक्रम गरि ल्होछार मनाइने छ । पूजाका लागि नेपालबाट धर्म गुरुहरु बोलाइएको छ ।

तमुधिं यूके उपाध्यक्ष नन्दजंग गुरुङले ल्होछार कार्यक्रम संयोजन गरेका छन् । बिहान १० बजेदेखि धर्म गुरुहरुबाट धार्मिक पूजा शुरु गरिने छ । सांझ सांस्कृतिक कार्यक्रम, डा. हर्क गुरुङ अवार्ड वितरण, तमुधिं यूकेको मुखपत्र फ्रेंसी विमोचन, राफल ड्र लगायत आकर्षण हुनेछन् । राफल ड्रमा एकतोला सुन र आइ प्याड पुरस्कार राखिएको छ ।

ल्होछारका अवसरमा यूके वा अन्य ठाउंबाट शैक्षिक क्षेत्रमा सफलता हासिल गर्ने तमु विद्यार्थीहरुलाई अभिनन्दन तथा प्रशंसा पत्र प्रदान गर्ने कार्यक्रम छ । साथै जिसिएसइ र ए लेभलमा राम्रो अंक ल्याइ उत्तिर्ण हुने तमु विद्यार्थीलाई डा. हर्क गुरुङ अवार्ड सम्मान गरिने तमुधिं यूके अध्यक्ष ज्ञाम गुरुङले बताए । अध्यक्ष गुरुङले खी ल्होछारमा उपस्थित भएर उमंगका साथ आफ्नो महान पर्व मनाउन अपिल गरेका छन् ।

उक्त कार्यक्रम राजदूत डा. दुर्गाबहादुर सुवेदीले उद्घाटन गर्नेछन् ।

तस्विरहरु- मिलन तमु