मुगाबे युगको अन्त्य, पढ्नुहोस् उनका १० उतार चढाव

हारारे, ३० कात्तिक – जिम्बाबेका राष्ट्रपति रोबर्ट मुगाबेको जिन्दगीमा अहिलेसम्म दश मुख्य आरोह अवरोह भएका छन् ।  फेब्रुअरी २१, १९२४ मा मुगावेको जन्म सालिसबुरीको कुतामा मिसनमा बस्ने क्याथोलिक परिवारमा भएको हो ।

सन् १९६० मा विद्यार्थी र शिक्षकको रुपमा देश बाहिर क्रियाशिल भइरहेको बेला रहोमेसीआ फर्किनुभयो र उपनिवेस विरुद्ध लड्नका लागि नेश्नल डेमोक्र्याटीक पार्टीमा आवद्ध हुनुभयो । त्यो पार्टी सन् १९६१ मा प्रतिबन्धित भएपछि मुगावेले जोसुआ कोमोको जिम्बाव्बे अफ्रिकी पिपुल्स युनियनमा आवद्ध हुनुभयो ।

सन् १९६४ देखि ७४ सम्म मुगाबे राष्ट्रबादी गतिविधिहरुका कारण हिरासतमा रहनु परयो । हिरासतमुक्त भएपछि भने उहाँले प्रतिबन्धित जेएएनयुलाई नेतृत्व दिनुभयो । स्वेत शासक इआन स्मिथका विरुद्धमा संघर्ष सुरु गर्नुभयो । सन् १९७२ देखि ७९ सम्ममा २७ हजार जनाको मृत्यु भयो ।

अप्रिल १८, १९८० मा १९६५ देखि एक पक्षीय रुपमा ब्रिटेनबाट स्वतन्त्र भएको घोषणा गरिएको रहोडेसीआलाई पूर्ण रुपमा स्वतन्त्र भएको घोषणा गरियो र जिम्बाबे नामाकरण गरियो । मुगाबे प्रधानमन्त्री बन्नुभयो भने अर्का नेता कोमो गृहमन्त्री बन्नुभयो ।

फेब्रुअरी १९८२ मा कोमोलाई मुगाबे विरुद्ध लागेको अरोपमा हटाइयो । त्यसको एक बर्षपछि भएको हिंसाका कारण २० हजार जनाको मृत्यु भयो ।

डिसेम्बर १९८७ मा मुगाबे संविधान संशोधन गरेर कार्यकारी राष्ट्रपति बन्नुभयो ।

फेब्रुअरी २००० मा पनि संविधान पुर्ननिर्माण भयो ।

मार्च २००८ मा विपक्षी नेता मोर्गान टीस्भाङीराईसँग मुगाबे पहिलो चरणमा राष्ट्रपति पदका लागि प्रतिश्पर्धा गर्नुभयो । उहाँ फेरी निर्वाचित हुनुभयो ।

डिसेम्बर २०१४ मा मुगाबेले आफुलाई सफल बनाउन सघाउनेहरुलाई बेवास्ता गरेर आफ्नो दोस्रो श्रीमती ग्रासलाई जेडएएनयु पीएफ पार्टीको अध्यक्षका रुपमा मनोनयन गर्नुभयो ।

नोभेम्बर १५, २०१७ मा उहाँलाई सेनाले घरमै नजरबन्दमा राखेको छ ।

जिम्बावेमा सेनाले सत्ता हत्यायो, राष्ट्रपति घरमा नजरबन्दमा

हरारे, ३० कात्तिक (रासस-एएफपी) – जिम्बावेको सेनाले सत्ता हातमा लिएको छ । बुधबार बिहानी पख सरकारी प्रशारण संस्थालाई नियन्त्रण गरेको सेनाले रातिसम्ममा सत्ता हत्याएको हो ।

सेनाले सत्ता हातमा लिएपछि राष्ट्रपति रोबर्ट मुगाबेलाई घरैमा नजरबन्द गरिएको छ । तर उहाँले आफू सकुशल रहेको जानकारी दक्षिण अफ्रिकाका राष्ट्रपति ज्याकब जुमालाई दिनुभएको छ ।

जिम्बाब्वेको सेनाले देशको शासन सत्ता नियन्त्रणमा लिएपछि बुधबारदेखि नै यहाँका राष्ट्रपतिको अवस्थाको बारेमा विभिन्न अनुमानहरु गरिएका थिए ।

बुधबार राति राष्ट्रपति जुमाले जिम्बावेका राष्ट्रपति मुगाबेसँग आफ्नो टेलिफोन वार्ता भएको बताउनुभएको छ । राष्ट्रपति मुगाबेले आफू निवासमै नजरबन्दमा सकुशल रहेको बताउनुभएको थियो ।

जिम्बावेको राजधानी हरारेका सडकहरुमा सेनाका सवारी साधनमात्र देखिएका छन् । सडकहरुमा सवार र अन्य सैनिकहरुले सडकमा समेत गस्ती गरिरहेका देखिन्छन् ।

उता अफ्रिकी संघले जिम्बावेको सेनाले सत्ता लिएको जनाएको छ । साथै उक्त संघले जिम्बावेको सेनालाई कारवाही रोक्न आह्वान पनि गरेको छ ।

सरकारी टेलीभिजनमार्फत जिम्बावेका एकजना सैनिक जर्नेलले सेनाले विद्रोह नगरेको बताएका छन् । उनले यहाँका राष्ट्रपति रोबर्ट मुगाबे सुरक्षित रहेको पनि सो टिभीमार्फत सार्वजनिक गरेका छन् ।

यहाँको सेनाले औपचारिकरुपमा के गरिरहेको हो भन्ने बारेमा केही बताएको छैन । त्यसैगरी अहिले भइरहेको सैनिक कार्वाहीको नेतृत्व पनि कसले गरिरहेको छ भन्ने कुरा स्पष्ट छैन ।

प्रतिक्रिया

सम्बन्धित सामाग्री