घट्नापछि सुरक्षाकर्मीको उपस्थिति बाक्लो छ । तस्विर- एपी
मोगादिसु, सोमालिया, १२ कात्तिक (रासस-एएफ्पी) – मोगादिसुको एक होटेलमा शनिबार भएको आक्रमणमा परी मृत्यु हुनेको सङ्ख्या २७ पुगेको सरकारले आइतबार जानकारी दिएको छ ।
सरकारले घटना कमजोर सुरक्षा व्यवस्थाका कारण घटेको आरोप लगाउँदै सोमालियाका प्रहरी प्रमुख तथा गुप्तचर सुरक्षा प्रमुखलाई बर्खास्त गरेको छ ।
मृतक सङ्ख्याबारे मन्त्रीपरिषद्लाई जानकारी गराउँदै यहाँका गृहमन्त्री मोहम्मद अवुकार इस्लोले प्रहरी प्रमुख अव्दिहाकिम दाहिर सैयद तथा गुप्तचर विभागका सुरक्षा प्रमुख अव्दिल्लाही मोहम्मद सानबालुसेको बखास्तीका लागि प्रस्ताव राख्नुभएको थियो । प्रस्तावलाई बैठकले स्वीकृत गरेको छ ।
