
बेलायती सजिए ढाका टोपी र पछ्यौरामा
लन्डन । लन्डन ब्ल्याकहिथस्थित एभरेष्ट इनमा गत सोमबार बेलायतीहरु भिन्न रुपमा देखिए । बेलायती महिला स्कार्फ र टिका (बिन्दी) अनि पुरुषहरुले ढाका टोपी र खादामा सजिएर नेपाली परम्परागत शैलीमा तिहार मनाए ।
एभरेष्ट इन रेष्टुरेन्टले विदेशीलाई दोश्रो ठूलो नेपाली पर्व तिहार अवगत गराउन, नेपाली खानाको स्वाद चखाउन र न्यानो आतिथ्य प्रदर्शन गर्न एउटा भिन्न माहोल जुराएको थियो ।
कार्यक्रममा सहभागी सबै बेलायती परम्परागत नेपाली पहिरनमा सजिएर नेपाली गीत संगीत अनि खानामा घण्टौं रमाए । ‘नेपाली कला संस्कृतिबारे अवगत गराउन र पर्यटन प्रवर्धन नै मुख्य उद्देश्य थियो’, एभरेष्ट इन रेष्टुरेन्टका निर्देशक यादव भण्डारी भन्दै थिए ।
कार्यक्रममा राजदूत डा. दुर्गाबहादुर सुवेदी, लुइसम काउन्सिलका डिष्ट्रिक्ट चिअर काउन्सिलर ओबाजिमी, साउथ इष्ट लन्डन चेम्बर अफ कमर्स आवद्ध हेलेन मेकान्टोस लगायतले नेपालको सांस्कृतिक विविधताबारे खुबै प्रशंसा गरे । डिष्ट्रिक्ट चिअर ओबाजिमी र हेलेनले नेपाल भ्रमणको चाहना समेत व्यक्त गरेका थिए ।
शुभकामना मन्तव्यका क्रममा राजदूत सुवेदीले भण्डारी दाजुभाईले बेलायत बसेर नेपालको राजदूतका रुपमा काम गरिरहेको भन्दै प्रशंसा गरे । उनले नेपाल मनोरम प्राकृतिक दृश्य र विविध संस्कृतिले भरिएको देश भएको बताउंदै नेपालीले पाहुनालाई भगवान सरह सत्कार गर्ने अवगत गराए ।
कार्यक्रममा नेपाली संस्कृति झल्कने विविध नाच समेत प्रस्तुत गरिएको थियो ।
एभरेष्ट इनका सञ्चालकद्वय पशुपति भण्डारी र यादव भण्डारीले नेपालको कला संस्कृति जगेर्ना र पर्यटन प्रवर्धनका लागि आफ्नै प्रयत्नमा यस्ता कार्यक्रम नियमित गर्दै आएका छन् । पशुपति भण्डारी नेपाल पर्यटन बोर्डका बेलायत प्रतिनिधि पनि हुन् ।
तस्विरहरु- Warren King
प्रतिक्रिया

सम्बन्धित सामाग्री
- सहमतिको एनआरएनए विशेष महाधिवेशन महासचिव शर्मा र सचिव जोशीको भूमिकाले विवादमा
- विशेष महाधिवेशनको घोषणापत्रमा विवाद, संस्थापनपक्षद्वारा सहमतिको उल्लङ्घन
- बेलायतमा अफ्रिकाका नयाँ भेरियन्टका ७७ संक्रमित फेला परे
- कोरोना विरुद्धको खोप अभियान १४ माघमा प्रधानमन्त्री ओलीले शुभारम्भ गर्ने
- भारतमा कोभिड–१९ सङ्क्रमितको संख्या एक करोड ६ लाख ५४ हजार भन्दा बढी
- नयाँ भाइरस तीव्र गतिमा फैलिएपछि लण्डन, पूर्वी र दक्षिण पूर्वी इंग्ल्याण्ड टियर ४ मा
- बेलायत सरकारद्वारा गोरखा भूपू सैनिकका लागि नयाँ पेन्सनको प्रस्तावमाथि सुझाव माग
- कोरोना खोपको पहिलो डोज लिएका पुडासैनीलाई कोरोना संक्रमण
- ‘बेलायतमा वर्क पर्मिट खुल्यो भनेर हल्लाको पछि नलागी बुझेर मात्र आउनुहोस्’ : सोलिसिटर दिपक भट्टराई
- बेलायत र युरोपियन युनियनबीच सहमति