भवन भट्टको अध्यक्षमा उम्मेदवारी घोषणा

लन्डन । गैर आवासीय नेपाली संघ (एनआरएनए) को आगामी नेतृत्वका लागि भवन भट्टले अध्यक्ष पदमा उम्मेदवारी दिने घोषणा गरेका छन् । राजधानीमा शनिबार एक पत्रकार सम्मेलन गर्दै भट्टले उम्मेदवारी घोषणा गरेका हुन् । एनआरएनए वर्तमान उपाध्यक्ष भट्टले उम्मेदवारी घोषणासंगै विभिन्न प्रतिवद्धता समेत सार्वजनिक गरेका छन् ।

वैदेशिक रोजगारी आपत्कालिन कोषलाई सदुपयोग गरी गैर आवासीय नेपाली संघमा आवद्ध वैदेशिक रोजगारीमा रहेका नेपालीहरुको बीमा 
गर्ने, महिला फोरमलाई सशक्त बनाउने, स्टार्ट अप फन्डको व्यवस्था गर्ने, स्मार्ट एनआरएनए बनाउने, सामाजिक उद्यमशीतालाई प्रवद्र्धन गरी महिला तथा युवाको सहभागिता वृद्धि गर्ने जस्ता प्रतिवद्धता उनको छ ।

एनआरएनएले हाल गरिरहेका कार्यक्रमलाई थप निरन्तरता दिने बताउंदै भट्टले संघका गर्न बांकी कामहरु लाप्राक नमुना वस्ती, एनआरएनए भवन निर्माण, भिजन ट्वान्टी ट्वान्टी एन्ड वियोन्ड, सामूहिक लगानीका परियोजना निर्माण, वैदेशिक रोजगार कोष विस्तार आदिलाई पूर्ण रुपमा निरन्तरता दिंदै अघि बढ्ने विश्वास दिलाए ।

आगामी कार्यकाल (२०१७-१९) का लागि विस्तृत एजेन्डाहरु तयार पारेर छिट्टै सार्वजनिक गर्ने प्रतिवद्धता समेत उनले गरेका छन् ।