एनआरएनए यूकेले थाल्यो सदस्यता रुजु प्रक्रिया

लन्डन । एनआरएनए यूकेले प्राप्त सदस्यता (अनलाइन र पेपर) फाराम रुजु प्रक्रिया शुरु गरेको छ । अल्डरसटस्थित एम्पायर हल छेउ कार्यालय नै खोलेर सदस्यता रुजु 
गर्ने काम थालिएको एनआरएनए यूके अध्यक्ष मुछेत्र गुरुङले जानकारी दिए ।

संघले सदस्यता लिने समयसीमा अगष्ट १४ सम्ममात्र रहेकाले इच्छुक सदस्यहरु र उम्मेदवारका आंकाक्षीहरुलाई बेलैमा सदस्यता नवीकरण गर्न वा नयां लिन आग्रह गरेको छ ।

अनलाइन https://uk.nrna.org/Membership-Registration मा गएर वा पेपर फाराम भरेर सदस्यता लिन सकिन्छ । अब कार्यालयमै गएर सदस्यता फाराम बुझाउन सकिने समेत अध्यक्ष गुरुङले जनाए । उनका अनुसार अनलाइनमार्फत हालसम्म ४०८ जनाले मात्र सदस्यता लिएका छन् भने पेपर फाराम दुई दर्जन पनि आइपुगेको छैन् ।

यसपटक सदस्यता शुल्क २५ पाउण्ड तोकिएकाले अधिवेशनसम्म कुल संख्या दुई हजार हाराहारी हुने अनुमान अध्यक्ष गुरुङको छ ।

एनआरएनए यूकेको अधिवेशन आगामी सेप्टेम्बर ९ मा अल्डरसटमा हुने तय भएको छ ।