लन्डनमा रोशना टंकको यस्तो रोमान्स (भिडियो)

 

लन्डन । गायक प्रमोदराज न्यौपानेको एल्बम मेरो घरको छानो भित्रको ‘रहेसम्म तिमिसंग’ बोलको एउटा रोमान्टिक पप गीतको भिडिओ सार्वजनिक भएको छ । लन्डन, नजिकैको समुद्री किनार र कन्ट्री साइडमा छायांकन गरिएको उक्त भिडियोमा रोशना कार्की र टंक धमलाको रोमान्स देख्न सकिनेछ । रोशनासंग नेपालमा मोडलिङ गरेको केही अनुभव छ भने टंक रेडियो प्रस्तोता थिए । लन्डनमा चाहिं टंक विगत एकवर्षदेखि अभिनय सिकिरहेका छन् । बेलायतकी ब्युटिसियन बिना राई र दिपिका श्रेष्ठको मेक अप र काजल काजलको ड्रेस डिजाइन छ ।

शब्द रचना युरान र संगीत सागर किनारको रहेको उक्त गीतको भिडिओ निर्देशन कान्तिपुर टिभीका बेलायत सम्बाददाता तथा बेलायतमा चर्चित भिडिओ निर्देशक कुशल श्रेष्ठले गरेका छन् । छायांकन तथा सम्पादन समेत कुशलको छ ।

नेपाल छंदा झन्डै ८ वर्ष रेडियो प्रस्तोताको रुपमा काम गरेका गायक प्रमोदराज पछिल्लो समयमा बेलायतमा सञ्चार क्षेत्रमा समेत सक्रिय छन् । केहि समय अघि उनले भाइब्स क्रिएसन मार्फत निकालेको एल्बम ‘मेरो घरको छानो’ को विमोचन काठमाडौं र लन्डन दुवै ठाउंमा गरिएको थियो जसको शिर्ष गीतको भिडिओ निर्देशन कान्तिपुर टिभीका भुषण दाहालले गरेका थिए ।

भिडियो: