बेल्वासे रसमोर नेपाली कम्युनिटीको अध्यक्ष

लन्डन । नेपाली जनसंख्या उल्लेख्य भएको रसमोर बरोलाई प्रतिनिधित्व 
गर्ने क्रियाशिल नेपाली संस्था ‘ग्रेटर रसमोर नेपाली कम्युनिटी’ को अध्यक्षमा जीव बेल्वासे निर्विरोध अध्यक्ष निर्वाचित भएका छन् । शनिबार सम्पन्न कम्युनिटीको सातौं साधारण सभाले बेल्वासेलाई अध्यक्ष चुनेको हो । बेल्वासे यसअघि वरिष्ठ उपाध्यक्ष थिए ।

साधारण सभामार्फत वरिष्ठ उपाध्यक्षमा रामधन राई, उपाध्यक्षहरु नेम थापा र रन्जिता मल्ल, महासचिव मान गुरुङ, सचिव युवन गुरुङ, कोषाध्यक्ष टोप पल्ली, सह कोषाध्यक्ष दिपक घले, महिला संयोजक लिला सेलिङ माबो र सह सांस्कृतिक संयोजकमा सुरक्षा राना छानिएका छन् ।

त्यसैगरि, सदस्यहरुमा भक्त छेत्री, जगना गुरुङ, प्रेम गुरुङ (वेव मास्टर), हरि भट्टराई, दिल नेपाली र नगेन्द्र नेम्वाङ चुनिएको कम्युनिटीले जनाएको छ । निर्वाचन मण्डलमा अध्यक्ष एकेन्द्र गुरुङ, सचिव रोहित गुरुङ र सदस्य रत्न राई थिए ।

यसअघि भएको उद्घाटन सत्रमा वरिष्ठ उपाध्यक्ष जीव बेल्बासेले स्वागत मन्तव्य दिएका थिए । महासचिव रन्जिता मल्लले सञ्चालन गरेको उक्त सत्रमा प्रमुख अतिथि एनआरएनए यूके अध्यक्ष मुछेत्र गुरुङ, एनआरएनए यूके पूर्व अध्यक्ष सूर्य गुरुङ लगायतले शुभकामना दिएका थिए ।

कार्यक्रममा अध्यक्ष ओमप्रसाद थापा, कोषाध्यक्ष भक्त छेत्री, महासचिव 
रन्जिता मल्ल र रामधन राईले बेग्ला बेग्लै प्रतिवेदन पेश गरेका थिए ।

कम्युनिटीले स्थानीय रसमोर बरोसंग सहकार्य गरि समायोजनको सवालमा विभिन्न गतिविधि गर्दै आएको छ । कम्युनिटीले गत महिनामात्र बेलायती महारानी एलिजावेथ द्वितीयको जन्मोत्सवका अवसरमा आयोजित भिक्टोरिया डेमा प्रत्यक्ष सहभागिता जनायो । उक्त अवसरमा नेपाली समुदायका तर्फबाट नौमती बाजा, नेपाली नृत्य, विभिन्न जातजाती, धर्म र संस्कृति झल्कने पहिरनसहितको नेपाली परेड आकर्षणको केन्द्र बनेको थियो ।

कम्युनिटीले स्थानीय काउन्सिल एवं ब्रिटिश समुदायसंग प्रत्यक्ष सहकार्य गरि नियमित भिक्टोरिया डे मनाउने भएको छ ।