शुक्रबार, असोज ९ २०७७ | Fri, September 25, 2020
नेपालको समय: १६:३९ | UK Time: 11:54

यतिकी अध्यक्ष पिपला देवानद्वारा राजिनामा

वीनेपाली
२०७४ साउन ६ गते २०:१६

यतिको ५४ औं साधारणसभा जहाँबाट देवान अध्यक्ष भएकी थिइन्

लन्डन । बेलायतमा नेपालीको सबैभन्दा पुरानो संस्था यति नेपलिज एसोसिएसन यूकेकी अध्यक्ष श्रीमती पिपला देवानले पदबाट अचानक राजिनामा दिएकी छिन् ।

गत मे २८, २०१६ मा मात्र अध्यक्ष पदमा निर्वाचित देवानले महासचिवलाई आइतबार एक राजिनामा पत्र लेख्दै आफ्नो राजिनामा सल्लाहकार र सदस्यहरुमाझ पुरयाइदिन आग्रह गरेकी छिन् ।

उनले राजिनामा पत्रमा कार्यसमितिका वरिष्ठ उपाध्यक्ष र केही सल्लाहकारले गत वर्षको दशैं कार्यक्रम, एनआरएनए यूकेलाई भवन निर्माणका लागि दिइएको चन्दा लगायतका प्रस‌ङग उठाइ बैठक चल्न नदिएको र बैठकमै अध्यक्ष पद छोडेमा आफूहरुले चलाउने बताएको र सोही कारण आफ्नो स्वास्थ्यमा असर परेकाले राजिनामा दिएको बताएकी छिन् । बिरामी हुनुको कारण अन्य पनि रहेको र सोही कारण नेपाली समुदायको कार्यक्रममा नहिंडेको प्रष्टिकरण उनले दिएकी छिन् ।

आफूले पदबाट राजिनामा दिएको प्रष्ट गर्दै उनले यसबारेमा थप बोल्ने नचाहेको वीनेपालीलाई बताइन् ।

राजिनामा पत्रमा उनले आफूमाथि लगाइएको ५ वटा आरोपहरुको बुंदागत प्रष्टीकरण पनि दिएकी छिन् । जसमा यतिले गत दशैँमा गरेको कार्यक्रम, सल्लाहकार चयन, एनआरएनए यूकेलाई भवन बनाउन दिइएको चन्दा लगायत छन् । उनले आफूले जिम्मेवारीपूर्ण तवरले काम गर्दागर्दै सधैं विरोधमात्र गरी काम गर्न नदिएको गम्भीर आरोप पनि लगाएकी छिन् ।

पूर्व राजा बीरेन्द्र बेलायतमा अध्ययन गर्दाताका सन् १९६० मा स्थापित यतिमा विवाद आउने गरेको यो पहिलो घट्ना भने होइन ।

प्रतिक्रिया

सम्बन्धित सामाग्री

फेसबुक