शुक्रबार, असोज ९ २०७७ | Fri, September 25, 2020
नेपालको समय: १०:०३ | UK Time: 05:18

एनआरएनए यूकेको अध्यक्षमा कृष्ण तिमल्सेनाको पनि उम्मेदवारी घोषणा

वीनेपाली
२०७४ साउन ४ गते १०:३५

लन्डन । बेलायतस्थित एकजना उदयीमान व्यवसायी तथा सक्रिय सामाजिक अभियन्ता कृष्ण तिमल्सेनाले एनआरएनए यूकेको आसन्न निर्वाचनमा अध्यक्ष पदमा उम्मेदवारी दिने भएका छन् । धेरैको अड्कलबाजी अन्त्य गर्दै उनले बुधबार विभिन्न सञ्चारमाध्यममार्फत उम्मेदवारी दिने घोषणा गरेका हुन् । तिमल्सेनाको घोषणासंगै अब एनआरएनए यूकेको चुनावी मैदानमा अध्यक्षका दावेदार तीन जना पुगेका छन् । हिराधन राईले आफ्नो उम्मेदवारी घोषणा गरिसकेका छन् भने योगकुमार फगामीले यही आइतबार औपचारिक घोषणा गर्ने कार्यक्रम छ ।

हाल यूकेबाट एनआरएनएमा प्रतिनिधित्व गर्ने केन्द्रीय सदस्य (आइसीसी मेम्बर) रहेका तिमल्सेना एनआरएनए यूकेमा सदस्य 
हुंदै उपाध्यक्ष भइसकेका छन् । संघमा विगत ९ वर्षदेखि उनको 
नेतृत्वदायी भूमिका छ । नेपलिज सेफ एसोसिएसन यूकेका अध्यक्ष समेत रहेका तिमल्सेना निस्वार्थ सामाजिक र च्यारिटी कामका कारण अधिक रुचाइएका व्यक्तित्व हुन् ।

आफ्नो उम्मेदवारी एनआरएन धनीहरुको मात्र क्लब भयो भन्ने जन गुनासो र भ्रम चिर्न केन्द्रित भएको उनले बताए । ‘म आफैं ग्रासरुटबाट आएको सामान्य किसानको छोरा हुं’, तिमल्सेनाले भने, ‘त्यसकारण सर्वसधारणलाई एनआरएन हाम्रो पनि हो भन्ने आभास दिलाउंछु ।’ नेपाल हाउस प्रोजेक्टको निरन्तरतासहित बेलायतस्थित विभिन्न संघसंस्थाहरुसंग समन्वय र सहकार्य गरि देश र समाजको हितमा आफूलाई समर्पित गराउने अठोट पनि उनको छ । ‘जहांसम्म जितको आधार हो, मैले धेरै ब्यक्ति, समुदाय र संगठनलाई परोक्ष सहयोग गरेको छु । आशा छ मलाई पर्दा उहांहरुले पनि दत्तचित्त भइ सहयोगको हात फैलाउनु हुनेछ’, उनले भनेका छन् ।

विगत १७ वर्षदेखि बेलायतमा बस्दै आएका उनी समुदायमा अति मिलनसार र सहयोगीका रुपमा चिनिन्छन् । उनले निरन्तर रुपमा आपतविपत परेका नेपालीलाई आर्थिक सहयोग र कयौंलाई रोजगारी दिएका छन् भने जन्मस्थान धादिङ धुवांकोटमा शिक्षाको विकासमा समेत उनको सहयोग छ ।

सन् २००७ मा शुरु क्रिस फुड लिमिटेडका सञ्चालक तिमल्सेनाको नेपालमा होटल, प्रोपर्टी, हाइड्रो लगायतमा लगानी छ ।

तस्विरः शिव भण्डारी

प्रतिक्रिया

सम्बन्धित सामाग्री

फेसबुक