खोटाङको रुपाकोट मझुवागढी नगरपालिकाका नवनिर्वाचित प्रमुख दिपनारायण रिजाल तथा उपप्रमुख विणादेवी राईलाई सपथग्रहण गराउँदै मुख्य निर्वाचन अधिकृत शान्तिप्रसाद आचार्य । तस्बिर ः केदार मगर, खोटाङ, रासस
काठमाडौँ, १८ असार । स्थानीय तहको दोस्रो चरणमा असार १४ गते ३३४ स्थानीय तहका लागि भएको निर्वाचनको अन्तिम परिणाम प्राप्त हुने क्रम जारी रहेको छ ।
निर्वाचन आयोग, संयुक्त निर्वाचन परिचालन केन्द्र (जेइओसी)बाट आज बिहान ९ बजेसम्म प्राप्त जानकारीअनुसार १७२ स्थानीय तहको अन्तिम मतपरिणाम घोषणा भएको छ । हाल १५५ स्थानीय तहको मतगणना जारी रहेको र केही स्थानीय तहको मतगणना स्थगन भएकामा सञ्चालन गर्ने प्रयास भइरहेको आयोगका प्रवक्ता सूर्यप्रसाद शर्माले जानकारी दिनुभयो ।
