टिडवर्थ नेपलिज कम्युनिटीले वृद्धवृद्धालाई लन्डन घुमाउने

लन्डन । टिडवर्थ नेपलिज कम्युनिटीले आफ्नो समुदायमा रहेका वृद्धवृद्धालाई लन्डन घुमाउने कार्यक्रम तय गरेको छ । फूर्सदमा रहेका वृद्धवृद्धालाई समर ट्रिप अन्तर्गत आगामी २२ जुलाइका दिन वकिङहम प्यालेससहित लन्डनका रमणीय स्थानमा घुमाउने व्यवस्था गरिएको हो । घुमघामपछि उनीहरुलाई साउथहलमा सपिङ पनि गराइदिने कम्युनिटीले जनाएको छ ।

कम्युनिटी अध्यक्ष एलबीजेड गुरुङको अध्यक्षतमा हालै बसेको बैठकले आगामी १५ जुलाईमा बीबीक्यू समेत गर्ने भएको छ । बैठकले अघिल्लो महिना गोरखा कपमा राम्रो खेल प्रदर्शन गरेका टिडवर्थ बुलफोर्ड एफसीका खेलाडीहरुलाई वधाइ दिंदै खेलाडीसहित टिडवर्थ आसपास बस्ने नेपालीहरुको भेटघाटका लागि बीबीक्यू कार्यक्रम गरिएको अध्यक्ष गुरुङले जनाए । विशेष गरि ब्रिटिस आर्मीमा भर्खरै मात्र पोस्टिङ भएर आएका गोर्खा र तिनका परिवारसंग परिचय गराउने उद्देश्य समेत कार्यक्रमको छ ।

उक्त कार्यक्रम सफल बनाउन उपाध्यक्ष लाल माया थापा र महासचिव मौसमी शाही पुनले हल, साउन्ड 
सिस्टम आदि व्यवस्था गर्नेछन् भने कोषाध्यक्ष लील पुन र सह कोषाध्यक्ष दीपा गरुङले क्याटरिङको ब्यवस्था गरेका छन् । बैठकले कम्युनिटी सदस्य नभएकाहरुलाई सदस्य बनिदिन आग्रह गरेको छ ।

प्रतिक्रिया

सम्बन्धित सामाग्री