ग्रेटर रसमुर नेपाली कम्युनिटीको साधारणसभा २२ जुलाइमा

लन्डन । ग्रेटर रसमुर नेपाली कम्युनिटीको साधारणसभा आगामी २२ जुलाइमा हुने भएको छ । कम्युनिटीको कार्यसमिति बैठकले रसमुर कम्युनिटी सेन्टर, हल नम्बर ५ मा बिहान साढे ११ बजे साधारणसभा तय गरेको हो । उक्त साधारणसभाले नयाँ कार्यसमिति समेत चयन गर्ने कम्युनिटी वरिष्ठ उपाध्यक्ष जीव बेल्वासेले जानकारी दिए । निर्वाचन सम्पन्न गर्न एकेन्द्र गुरुङको अध्यक्षतामा सह-अध्यक्ष मेजर कुल थापा, सचिव रोहित गुरुङ, सदस्य पदम राइ र रत्न राई रहने गरि निर्वाचन कमिटी गठन गरिएको छ ।

निर्वाचनमा भाग लिन १५ जुलाई, ५ बजेसम्म सदस्यता लिने समयसीमा तोकिएको छ । सदस्यता फाराम भरेर निम्न ठेगाना 14 Homelea Close, Farnborough Hants GU14 8HH मा पठाउन कम्युनिटीले आग्रह गरेको छ । कम्युनिटीले उक्त साधारण सभामा सहभागी भइ सफल पारिदिन समेत सबैमा आग्रह गरेको छ ।