अन्तर विश्वविद्यालय नृत्य प्रतियाेगिता जुन ९ मा

लण्डन । युकेका विभिन्न विश्वविद्यालयमा अध्ययनरत नेपाली विद्यार्थीहरुबीच हरेक वर्ष हुँदै अाएकाे नृत्य प्रतियाेगिता यसपटक जुन ९ मा हुने भएकाे छ ।

यसवर्षकाे प्रतियाेगिता आयाेजनाकाे जिम्मा पाएकाे छ युनिभर्सिटी अफ वेष्ट इ‌ङ्ल्याण्ड नेपलिज स्ट्यूडेन्टस् साेसाइटीले । अल्डरसटस्थित एम्पाएर हलमा यसवर्षकाे प्रतियाेगिता राखिएकाे छ ।

सो प्रतियोगितामा छ वटा टीमले भाग लिने आयोजक युनिभर्सिटी अफ वेष्ट इङ्ल्यान्ड नेपलिज स्टूडेण्टस् सोसाइटीका अध्यक्ष सन्देश रानाले बताए । उनका अनुसार प्रतियोगितामा प्रथम,दोस्रो र तेस्रो हुने टीमलाई क्रमशः ४०० पाउन्ड र ट्रफी तथा जून फेष्टिभलको ४ वटा टिकट, २०० पाउन्ड, ट्रफी र जून फेष्टिभलको ३ वटा टिकट र १०० पाउन्ड, ट्रफी र जून फेष्टिभलको २ टिकट पुरस्कार दिइनेछ ।

प्रतियोगिताको निर्णायकहरुमा समिर गुरुङ, सुजाता राई र भावना जिमी रहेका छन्। 

प्रतिक्रिया

सम्बन्धित सामाग्री