एनइए युकेले गरयो निवर्तमान अध्यक्ष थापासित अन्तरक्रिया

लण्डन । नेपाल इन्जिनियर्स एसोसिएसन (एनइए) युके सेन्टरले बेलायत भ्रमणमा आएका नेपाल इन्जिनियर्स एसोसिएसनका निवर्तमान अध्यक्ष ध्रुव थापासँग अन्तरक्रिया गरेको छ ।

सेन्टरका अध्यक्ष तेजेन्द्र रोकामगरको अध्यक्षतामा भएको सो अन्तरक्रियामा निवर्तमान अध्यक्ष थापाले युके कार्यसमितिलाई शुभकामना दिँदै एनइएको पिन लगाइदिनुभएको थियो ।

बेलायतमा रहनुभएका एनइएलाई माया गर्ने इन्जिनियरहरुलाई एकतावद्ध भई एकआपसमा समझदारी कायम गर्न र आफ्नो सीप र जाँगरलाई आवश्यकताअनुसार मातृभूमिका लागि खर्चन थापाले आग्रह गर्नुभयो ।

सेन्टरका महासचिव लोकराज सिंहले संचालन गर्नुभएको कार्यक्रममा अध्यक्ष रोकाले प्रविधि स्थानान्तरण तथा शाखाबाट आगामी दिनमा गरिने कार्यक्रमबारे जानकारी दिनुभयो ।