मंगलबार, असोज ६ २०७७ | Tue, September 22, 2020
नेपालको समय: १५:०२ | UK Time: 10:17

१४ वटा कार्यक्रम गरेर फर्कियो दमन रुपाखेतीको टिम

वीनेपाली
२०७४ जेठ ९ गते १२:१२

लन्डन । नेपाली नयां वर्ष कार्यक्रम गर्न महिनादिन अघि बेलायत आएको दमन रुपाखेतीको टोली मंगलबार नेपाल फर्किएको छ ।

पिस इन्टरटेनमेन्टको निमन्त्रणामा हांस्य कलाकारहरु रुपाखेती, पारबन राई र गायिकाहरु कला राई एवं विष्णु चेम्जोङ बेलायत आएका थिए । मंगलबार तीन कलाकार फर्किएपनि गायिका चेम्जोङ केही समय बेलायतमै रहनेछिन् । उनीहरुले बेलायतका विभिन्न शहरमा १४ वटा कार्यक्रम गरेको आयोजकले जनाएका छन् ।

ति चार कलाकारले आफ्नो अन्तिम कार्यक्रम सोमबार सांझ उलवीच लोटस क्लबमा गरे । उक्त कार्यक्रममा दमन र पारबानले देशको समसामयिक अवस्था र राजनीतिक विकृतिको उछित्तो काडे भने बेलायतवासी नेपालीलाई मातृभूमिको माया गरिरहन आग्रह गरे । गायिकाद्वय कला राई र विष्णु चेम्जोङले विभिन्न गीत गाए ।

मोडल, कलाकार एवं नर्स प्रसुना कंडेलले सञ्चालन गरेको उक्त कार्यक्रममा प्रमुख अतिथी राजदूत डा. दुर्गाबहादुर सुवेदीले कलाकारहरु राष्ट्रका गहना भएको बताउंदै बेलायतवासी नेपालीले कलाकारहरुलाई सम्मान गर्ने गरेको बताए । उनले कलाकारहरुको प्रस्तुतिमा झल्किएको राष्ट्रप्रेमको पनि प्रशंसा गरे । पिस इन्टरटेन्मेन्टका निर्देशक भरतमणी चोङबाङले स्वागत मन्तव्य दिएका थिए ।

लन्डनका पत्रकारहरु सम्मानित


उक्त कार्यक्रममा पिस इन्टरटेन्मेन्टले लन्डनस्थित नेपाली पत्रकारहरुलाई सम्मान गरेको छ । क्रियाशिल पत्रकारहरु नवीन पोखरेल, कुशल श्रेष्ठ, फडिन्द्र भट्टराई, ध्रुवराज अर्याल, शिव भण्डारी र विमला सेनेलाई मनोरन्जन उद्योगको विकास र नेपाली संस्कृति संवर्धन एवं प्रचार प्रसार गरेकामा सम्मान गरिएको हो । राजदूत डा. सुवेदी र पिस इन्टरटेन्मेन्टका चोङबाङ एवं सुमन अधिकारीले प्रशंसा-पत्र र खादाले सम्मान गरेका थिए ।

उक्त कार्यक्रमको संयोजन प्रकाशराज कंडेल र जीवन सेनले गरेका हुन् ।

प्रतिक्रिया

सम्बन्धित सामाग्री

फेसबुक