सोमबार, असोज ५ २०७७ | Mon, September 21, 2020
नेपालको समय: १२:१४ | UK Time: 07:29

२४३ तहमा मतगणना जारी

वीनेपाली
२०७४ जेठ १ गते १८:४७

कृषि विकास केन्द्र, बोडेमा मध्यपुर थिमि नगरपालिकाको मतगणना सुरु हुँदै । तस्बिर ः रत्नकृष्ण श्रेष्ठ-रासस

काठमाडौँ, १ जेठ । निर्वाचन आयोगले स्थानीय तहको पहिलो चरणअन्तर्गत कुल २८१ तहमा भएको निर्वाचनमध्ये २४३ तहमा मतगणना भइरहेको जनाएको छ । दुई स्थानीय तहमा भने निर्विरोध निर्वाचित भइसकेको छ ।

निर्वाचन आयोगका अनुसार प्रदेश नं. ३ का ११०, प्रदेश नं. ४ का ७९ र प्रदेश नं. ६ का ५४ तहमा मतगणना भइरहेको छ । बाँकी ३८ तहमा मतगणना कार्य सुरु गर्ने तयारी भइरहेको आयोगले जनाएको छ ।

त्यस्तै मौसमको प्रतिकूलता र भौगालिक जटिलताका कारण हुम्लाका छ तह र रुकुमको १ तहमा भने अझै पनि मतपेटिका सङ्कलन गर्न सकिएको छैन् । आइतबार प्रदेश नं. ३ का ११९, प्रदेश नं. ४ का ८४ र प्रदेश नं. ६ का ८८ तहमा पहिलो चरणको स्थानीय तहको निर्वाचन भएको थियो ।

थोरै मतदाता भएका स्थानीय तहमा भने निर्वाचन परिणामसमेत आउन सुरु भइसकेको छ ।

राष्ट्रिय सभागृहमा सोमबार काठमाडौँ महानगरपालिकाको मतगणना गरिँदै । तस्बिर ः रोशन सापकोटा, रासस

प्रतिक्रिया

सम्बन्धित सामाग्री

फेसबुक