मंगलबार, जेठ ४ २०७८ | Tue, May 18, 2021
नेपालको समय: ०१:०० | UK Time: 20:15

क्यान्सर पीडितका लागि चन्दा संकलन गर्दै इशा

वीनेपाली
२०७४ वैशाख १८ गते १५:२४

ईशा गुरुङ

लन्डन । बेलायतस्थित समाजसेवी इशा गुरुङ यतिखेर क्यान्सर पीडित एक युवतीका लागि आर्थिक सहयोग जुटाउन क्रियाशिल भएकी छन् ।

क्यान्सर पीडित १९ वर्षीया पोखरेली युवती प्रिया गुरुङको उपचारार्थ उनले चन्दा संकलन अभियान थालेकी हुन् । प्रियाको हाल भारतमा उपचार भइरहेको छ । फेसबुकबाटै अभियान शुरु गरेर चार दिनमा उल्लेख्य सहयोग आएको उनले बताइन् । दुई सातासम्म अभियान जारी राख्ने उनको सोच छ ।

उनले हालसम्मका दाताहरुप्रति आभार व्यक्त गर्दै बेलायतबासी समस्त नेपालीहरु समक्ष सहयोगको अपिल समेत गरेकी छन् । ‘मानव सेवा नै ठूलो धर्म र सेवा हो’, उनी भन्छिन्, ‘हामी प्रवासमा बसेर देश र अप्ठेरो परेका नेपालीलाई गर्ने सेवा यो भन्दा ठूलो अरु हुन सक्दैन ।’

उनले फेसबुक आफ्ना लागि एउटा च्यारेटी संस्था जस्तै भएको पनि बताइन् । ‘सयौं सहयोगी साथ पाएर उत्साहित छु’, उनले भनिन्, ‘संकलित रकम पारदर्शी ढंगले सार्वजनिक गर्छु ।’ क्यान्सर पीडितका लागि इशाको यो दोश्रो अभियान हो । यसअघि उनले एमाले नेतृ शान्ता चौधरीलाई पनि सहयोग गरेको बताइन् ।

प्रतिक्रिया

सम्बन्धित सामाग्री

फेसबुक