मंगलबार, जेठ ४ २०७८ | Tue, May 18, 2021
नेपालको समय: ००:५८ | UK Time: 20:13

मेडस्टोनमा नेपाली नयाँ वर्ष मनाइयो

वीनेपाली
२०७४ वैशाख ६ गते १६:५३


लन्डन । मेडस्टोन नेपाली समाज यूकेले बैशाख १ मा एक कार्यक्रम गरी नेपाली नयाँ वर्ष २०७४ लाई स्वागत गरेको छ । समाजका उपाध्यक्ष दिनेश खड्काको संयोजकत्वमा आयोजित उक्त कार्यक्रम समाजका महासचिव पूर्व क्याप्टेन यम पुनको स्वास्थ्य एवं सुरक्षा सम्बन्धी जानकारीबाट शुरु भएको थियो ।

कार्यक्रममा समाजका अध्यक्ष पूर्व गोर्खा मेजर दुध गुरुङले स्वागत मन्तव्य दिँदै नयाँ साल २०७४ लाई स्वागत गरि सम्पूर्ण सदस्यहरुलाई शुभकामना दिए । करिब २०० नेपालीले भरिएको हलमा सहभागीहरु एक आपसमा नयाँ सालको शुभकामना आदान प्रदान गर्न व्यस्त देखिन्थे ।

नेपाली खाना, सांस्कृतिक कार्यक्रम एवं मनोरन्जनका लागि राफल कार्यक्रमका प्रमुख आकर्षण रह्यो । मेड्स्टोन नेपाली समाजको दशैं पछिको ठूलो कार्यक्रमको रुपमा मनाइने नेपाली नयाँ वर्षमा मेडस्टोन बाहेक आसफोर्ड, हेडकोर्न, लन्डन र सिटिङबोर्नबाट पनि नेपालीको उपस्थिति थियो ।

पूर्ण गुरुङ र बुद्धी गाहाले सांस्कृतिक कार्यक्रम सञ्चालन र उमेश पराजुली, मोहन गुरुङ एवं कमल अधिकारीले कार्यक्रम व्यवस्थापन गरेका थिए । अन्य कार्यकारिणी एवं समाजका सदस्यहरुले पनि आ-आफ्नो ठाउँबाट सहयोग गरी उक्त कार्यक्रम सफल बनाउन योगदान गरे । कार्यक्रम राती १२ बजे समापन भएको थियो ।

प्रतिक्रिया

सम्बन्धित सामाग्री

फेसबुक