विसनले नेपाल गएर जिते राष्ट्रिय बडी बिल्डिङ प्रतियोगिता

लन्डन । यूके नेपाल बडी बिल्डिङ च्याम्पियन २०१४ बिसन गुरुङ नेपालमा भएको एउटा राष्ट्रिय प्रतियोगितामा फस्ट रनर अप उपाधि जित्न सफल भएका छन् ।

गत ७ र ८ अप्रिल २०१७ मा काठमाण्डौंमा भएको ‘मिस्टर हिमालय राष्ट्रिय बडी बिल्डिङ च्याम्पियनसिप’ को ७५ क्याटेगोरीमा विसन दोश्रो उपाधि अर्थात फस्ट रनर अप बन्न सफल भएका हुन् ।

यूके नेपाल फेडेरेसन अफ बडी बिल्डिङ एण्ड फिटनेस 
(यूकेएनएफबीएफ) अध्यक्ष किशोर गुरुङले विजेता खेलाडी विसनलाई बधाई दिंदै उक्त जित विसनका लागि मात्र नभइ संस्थाका लागि समेत ऐतिहासिक भएको बताए । उनले विसनलाई जिताउन महत्वपूर्ण सहयोग गरेकामा मिस्टर नेपाल सानु गुरुङलाई धन्यवाद समेत दिएका छन् ।

यूकेएनएफबीएफले गत मंगलबार नेपाल उड्नुअघि विसनलाई शुभकामना र विदाइ गर्न अल्डरसटमा एक कार्यक्रम राखेको थियो ।