सिरिया आक्रमणका निम्ति असद जिम्मेवार-फ्रान्स

पेरिस (फ्रान्स), २५ चैत । फ्रान्सका राष्ट्रपति फ्रास्वाँ आलान्द र जर्मन चान्सलर एन्जेला मर्केलले शुक्रबार सिरियामा भएको अमेरिकी आक्रमण सिरियाली राष्ट्रिपति बसर अल असद जिम्मेवार नबन्दा भएको घटना बताउँदै असदले नै यसको जिम्मेवारी लिनुपर्ने बताउनुभएको छ ।

पेन्टागनले शुक्रबार राति जारी गरेको विज्ञप्तिअनुसार ‘दुमाहक ल्याण्ड अट्याक–५९’ क्षेप्यास्त्रलाई पूर्वी भूमध्यसागर क्षेत्रमा अवस्थित युएसएस पोर्टर र युएएस रोसबाट ग्रीनवीच समय अनुसार शुक्रबार १ बजेर ४० मिनेटको समयमा छोडिएको थियो । क्षेप्यास्त्र सिरियाली विमान, विमानस्थल, सैनिक विमान, इन्धन भण्डार, हवाइ रक्षा प्रणाली र राडारलाई लक्षित गरी छोडिएको विज्ञप्तिमा जनाइएको छ ।

युरोपेली दुई नेता अलान्द र मर्केलले सिरियामा भएको अमेरिकी आक्रमणबारे फोनमार्फत आफूहरुलाई जानकारी गराएको बताउनुभयो । आक्रमण दमास्कस मङ्गलबार गरिएको भनिएको रासायनिक हतियार आक्रमणको प्रतिक्रियास्वरुप गरिएको पनि बताइएको छ ।

फ्रान्सको राष्ट्रपतिको कार्यालयद्वारा जारी विज्ञप्तिमा सिरियामा पछिल्लो समय भएको हमलाप्रति असद पूर्णरुपमा जिम्मेवार रहेको जनाइएको छ । “जसले लगातार रासायनिक र सामूहिक हत्या गर्छ सजाय नभोगी बस्न सम्भव छैन,” विज्ञप्तिमा भनिएको छ ।

रसियाली राष्ट्रपति पुटिनले भने सार्वभौम अरब राष्ट्रमाथि भएको हवाइ आक्रमण आवेगको परिणाम मात्र भएको बताउनुभएको छ ।

उहाँले सिरिया हमला इराकमा गरिएको हमलाबाट सर्वासाधारणको मृत्यु भएको भएको घटनाका विषयमा विश्वको ध्यानलाई विकेन्द्रित गर्ने ध्येय मात्र भएको पुटिनको भनाइ छ ।

प्रतिक्रिया

सम्बन्धित सामाग्री