बिहीबार, कार्तिक १३ २०७७ | Thu, October 29, 2020
नेपालको समय: ०८:०० | UK Time: 02:15

नेपाल–भारत सम्बन्ध खोलाको दोभान जस्तै – राजदूत उपाध्याय

वीनेपाली
२०७३ चैत १९ गते १:२१

राजदूत दीपकुमार उपाध्याय

काठमाडौँ, १८ चैत । भारतका लागि नेपाली राजदूत दीपकुमार उपाध्यायले नेपाल–भारतबीचको सम्बन्ध दुई खोलाको दोभानझै बृहत्तर भएकाले कुनै एक विषयसँग मात्र जोडेर हेर्न नहुने बताउनुभएको छ ।

दिल्ली विश्वविद्यालयमा आज आयोजित ‘राजदूतस्तरीय प्रवचन’ कार्यक्रमलाई सम्बोधन गर्दै उहाँले दुई देशबीचको राजनीतिक, सामाजिक सांस्कृतिक, आर्थिकलगायतका बहुआयामिक सम्बन्ध भएकाले एउटा विषयलाई जोडेर अनेक किसिमको व्याख्या गर्न नमिल्ने धारणा राख्नुभयो ।

शान्ति, सहिष्णुता, समानता, सम्प्रभुता, पारस्परिक सद्भाव एकअर्काको आकाङ्क्षाको सिद्धान्तलाई दुई देशले आत्मसात् गरेर अघि बढ्नसकेको खण्डमा सम्बन्धलाई थप उचाइमा पुरयाउन सकिने राजदूत उपाध्यायको भनाइ थियो ।

दुई देशबीचको महत्वपूर्ण सहयोगको क्षेत्र जलविद्युत्को विकासमा जोड दिनुपर्ने बताउँदै उहाँले पञ्चेश्वरलगायतका परियोजनालाई अघि बढाउन सकारात्मक प्रयास आवश्यक रहेको चर्चा गर्नुभयो ।

विश्वविद्यालयका उपकुलपति प्रोफेसर योगेश त्यागीको अध्यक्षतामा भएको कार्यक्रममा भारतीय पूर्वराजदूत शिवशङ्कर मुखर्जी, जयन्तप्रसाद, भारतीय नेता डिपी त्रिपाठी, प्रोफेसर एसटी मुनीलगायतका वक्ता हुनुहुन्थ्यो ।

प्रतिक्रिया

सम्बन्धित सामाग्री

फेसबुक