मंगलबार, कार्तिक ११ २०७७ | Tue, October 27, 2020
नेपालको समय: २०:४२ | UK Time: 14:57

महाप्रबन्धकप्रति साझा प्रकाशनका कर्मचारी असन्तुष्ट

वीनेपाली
२०७३ चैत १५ गते १६:४२

बेलायतको राजधानी लन्डनको ‘स्पिकर्स कर्नर’मा साहित्यकार कृष्ण बजगाईंको नियात्रासङ्ग्रह ‘युरेसियाको स्पर्श’ आइतबार सार्वजनिक गर्दै साझा प्रकाशनका अध्यक्ष तथा महाप्रबन्धक डोलिन्द्र शर्मा । तस्बिर ः सौजन्य–कृष्ण बजगाईं, रासस

काठमाडौँ, १५ चैत । साझा प्रकाशन कर्मचारी सङ्घ तथा कर्मचारी सङ्गठनले अध्यक्ष एवम् महाप्रबन्धकले संस्था र कर्मचारीको हितविपरीत निर्णय गरेको भन्दै असहमति जनाएका छन् ।

साझाका कर्मचारी र कर्मचारी सङ्गठनको संयुक्त बैठकले अध्यक्ष एवम् महाप्रबन्धक डोलिन्द्रप्रसाद शर्माले संस्थालाई व्यवस्थित र उन्नत बनाउनको विपरीत संस्थाप्रति अनुदार रहेको र कर्मचारीको हितविपरीत निर्णय गरेको भन्दै आपत्ति जनाउँदै विभिन्न माग गरेका छन् ।

साझा प्रकाशन सञ्चालक समितिले गत फागुन १० सार्वजनिक गरेको संस्थामा २० वर्ष सेवाअवधि पुगेको कर्मचारीको अनिवार्य अवकाश गर्ने निर्णय कर्मचारीले तत्काल फिर्ता गर्न माग गरेका छन् । संस्थाका कर्मचारीलाई दिन बाँकी हालसम्मको तलब, सञ्चय कोषलगायतको रकम तत्काल उपलब्ध गराउन माग गरिएको छ ।

त्यसैगरी संस्थाबाट उमेर हदका कारण सेवानिवृत्त तथा स्वेच्छिक अवकाश भएका कर्मचारीको उपदान रकम तत्काल भुक्तानी गर्नुपर्नेजस्ता माग गरिएको छ ।

संयुक्त बैठकले साझा प्रकाशन कर्मचारी प्रशासन नियमवाली २०७३ कर्मचारीको हितविपरीत रहेको भन्दै कर्मचारी प्रशासन नियमवाली २०६८ मा भएका नियम कायम गरी कर्मचारी नियमावलीको संशोधन माग गरेका छन् ।

अध्यक्ष शर्माले आफू अनुकूल ५० जना कामदार राखेको, लेखकलाई रोयल्टीसमेत नदिएको साझा प्रकाशन कर्मचारी सङ्घका अध्यक्ष हरिभद्र घिमिरेले जानकारी दिनुभयो ।

प्रतिक्रिया

सम्बन्धित सामाग्री

फेसबुक