आइतबार, कार्तिक १६ २०७७ | Sun, November 01, 2020
नेपालको समय: ०७:५५ | UK Time: 02:10

प्रधानमन्त्री र ओलीबीच डेढ घन्टा कुराकानी, सहमतिमा आउन आग्रह

वीनेपाली
२०७३ फागुन ३० गते १६:१८

काठमाडौँ, ३० फागुन । सरकारले प्रमुख प्रतिपक्षी दल नेकपा(एमाले)लाई संविधान संशोधनका बारेमा सहमतिमा आउन आग्रह गरेको छ ।

प्रधानमन्त्री पुष्पकमल दाहाल ‘प्रचण्ड’ले संविधान संशोधन र मुलुकको पछिल्लो राजनीतिक अवस्थाका बारेमा प्रधानमन्त्री निवास बालुवाटारमा आज साँझ भएको भेटवार्तामा एमालेका अध्यक्ष केपी शर्मासँग स्थानीय तहको निर्वाचनको मिति घोषणा भइसकेको र सबैलाई मिलाएर लैजानुपर्ने अवस्था भएका कारण सहमतिका लागि अनुरोध गर्नुभयो ।

अध्यक्ष ओलीले भने निर्वाचनमा केन्द्रित हुन सरकार र प्रधानमन्त्री एवं नेकपा(माओवादी केन्द्र)का अध्यक्ष दाहाललाई अनुरोध गर्नुभयो । प्रधानमन्त्रीको आग्रह सकारात्मक भए पनि संविधान संशोधन प्रस्तावमा सहमति जनाउन एमालेले नसक्ने धारणा ओलीले राख्नुभएको थियो । प्रधानमन्त्रीका प्रेस सल्लाहकार गोविन्द आचार्यले छलफल निरन्तर अगाडि बढाउने समझदारी पनि दुई नेताबीच भएको स्पष्ट गर्नुभयो ।

एमालेद्वारा आयोजित मेची महाकाली राष्ट्रिय अभियानका क्रममा कपिलवस्तुको आमसभा छाडेर ‘महत्वपूर्ण भेटघाटका लागि’ एमाले अध्यक्ष ओली आज मात्रै यहाँ आउनुभएको थियो । प्रधानमन्त्री दाहाल र अध्यक्ष ओलीबीच करिब डेढ घन्टा कुराकानी भएको र मुलुकलाई समाधान दिन प्रयासरत रहने सहमति भएको बताइएको छ ।

प्रतिक्रिया

सम्बन्धित सामाग्री

फेसबुक