शुक्रबार, कार्तिक ७ २०७७ | Fri, October 23, 2020
नेपालको समय: ११:२२ | UK Time: 06:37

कपिलवस्तु समाज यूकेका अध्यक्ष श्रेष्ठको राजिनामा

वीनेपाली
२०७३ फागुन ३० गते १५:१३

दीपक श्रेष्ठ

लन्डन । कपिलवस्तु समाज यूकेका अध्यक्ष दीपक श्रेष्ठले पदबाट 
राजिनामा दिएका छन् । आइतबार समाजको कार्यसमिति बैठकमा श्रेष्ठले दिएको राजिनामा स्वीकृत भएको छ । श्रेष्ठको राजिनामापछि महेन्द्र विक्रम कुंवरलाई कार्यवहाक अध्यक्ष बनाइएको छ ।

संस्थापक अध्यक्ष श्रेष्ठले कार्यव्यस्तता जनाउंदै पदबाट राजिनामा दिएको र श्रेष्ठलाई संरक्षक बनाइएको समाजका महासचिव हरिश ज्ञवालीले जानकारी दिए । सफल युवा व्यवसायी श्रेष्ठ एनआरएनए यूके कोषाध्यक्ष पनि हुन् । श्रेष्ठले अध्यक्षको पदमा नरहेपनि आफ्नो तर्फबाट सक्दो सहयोग गर्ने बताएका छन् ।

सन् २०१२ मा स्थापित समाजले छोटै समयमा उपलव्धिमुलक काम गरेको छ । संस्थाले भूकम्प पीडितलाई आर्थिक सहयोग देखि बेलायती संसद भवन अगाडि वुद्ध जयन्ती कार्यक्रम, झण्डै तीनसय जनाको एमआरपी फारम भरिदिने लगायतका कार्य गरिसकेको छ । समाजले वुद्ध वृद्धाश्रम निर्माणका लागि वुद्ध फाउण्डेशनसंग सहकार्य गर्ने र यो वर्षपनि ट्राफलगर स्क्वायरमा वुद्ध जयन्ती मनाउने जनाएको छ ।

महेन्द्र विक्रम कुंवर

प्रतिक्रिया

सम्बन्धित सामाग्री

फेसबुक