शुक्रबार, कार्तिक ७ २०७७ | Fri, October 23, 2020
नेपालको समय: १३:५९ | UK Time: 09:14

नक्कली प्रहरी बनी लुटपाट गर्ने गिरोह पक्राउ

वीनेपाली
२०७३ फागुन १२ गते १३:५४

काठमाडौँ, १२ फागुन । आफूहरु अख्तियार दुरुपयोग अनुसन्धान आयोगबाट आएको प्रहरी भन्दै न्युरोडबाट दाजुभाइलाई अपहरण गरी रकम लुट्ने पूर्व नेपाली सैनिकसहितको छ जनाको गिरोहलाई प्रहरीले पक्राउ गरेको छ ।

अपराध महाशाखाको टोलीले ती लुटेरालाई बुधबार विभिन्न स्थानबाट पक्राउ गरी आज सार्वजनिक गरेको हो । पक्राउ पर्नेहरुमा रुकुम, रनमा माइकोटका विश्वास घर्तीमगर, धन कुमार परियार गोरखा, ताप्ले गाविसका नारायण बानियाँ, अशोक बानियाँ, शिवबहादुर बानियाँ गोरखा नगरपालिकाका सुदीप थापा मगर रहेका छन् ।

पक्राउ परेकामध्ये शिवबहादुर बानियाँ र अशोक बानियाँ पूर्व नेपाली सैनिक रहेको प्रहरीले जनाएको छ ।

गत मङ्गलबार न्युरोडस्थित ग्लोबल आइएमई बैंकबाट प्रेमनारायण खराल र विधान खरालले चेक साटी नगद रु चार लाख २७ हजार झिकेर बाहिर निस्कने क्रममा अभियुक्तहरुले आफूहरु प्रहरी भएको बताएर डल्लुसम्म हिँडाएर लगेका थिए ।

डल्लुबाट खरालद्वयलाई ट्याक्सीमा चढाएर खुकुरी देखाई वसुन्धारा पुरयाएपछि उनीहरुको साथमा रहेको रकम र तीन थान चेक तथा पाँच थान आइफोनलगायत लुटेर लुटेराहरुले छाडिदिएका थिए ।

खराल दाजुभाइ हुन्डीको कारोबारमा संलग्न रहेकाले अनुसन्धान गर्ने भन्दै लुटेरा गिरोहले नियन्त्रणमा लिएको महाशाखाका प्रमुख, वरिष्ठ प्रहरी उपरीक्षक दिनेश अमात्यले जानकारी दिनुभयो ।

पक्राउ पर्नेमा विश्वास घर्तीमगर र नारायण बानियाँले प्रहरीका लागि बेलाबेलामा सुराकीको काम समेत गर्ने गरेको खुलेको छ ।

प्रतिक्रिया

सम्बन्धित सामाग्री

फेसबुक