सोमबार, कार्तिक १० २०७७ | Mon, October 26, 2020
नेपालको समय: १०:३८ | UK Time: 04:53

सेनाले राष्ट्रिय अखण्डतामा आँच आउन नदिने

वीनेपाली
२०७३ माघ २१ गते १७:००

नेपाली सेनाको व्यारेकमा शुक्रबार आयोजित भूतपूर्व सैनिक सम्मेलनको उद्घाटन कार्यक्रमलाई सम्बोधन गर्दै प्रधान सेनापति क्षेत्री । तस्बिर ः सिद्धराज भट्ट, रासस, धनगढी (कैलाली)

धनगढी, २१ माघ । प्रधानसेनापति राजेन्द्र क्षत्रीले सेनाले बगाएको रगत र पसिनाकै कारण राष्ट्रिय अखण्डतामा आँच आउन नसकेको बताउनुभएको छ ।

कैलालीको तेघरीस्थित ५ नं बाहिनी अड्डामा आयोजित भूतपूर्व सैनिक सम्मेलनको आज उद्घाटन गर्दै उहाँले मातृभूमिको रक्षाका लागि नेपाली सेना सदैव एक जुट भएर लाग्ने स्पष्ट पार्नुभयो ।

सो अवसरमा नेपाली सेनाका रथी एवं कल्याणकारी बोर्डका चित्रबहादुर गुरुङले कल्याणकारी बोर्डले भूपू सैनिकको हकहितका सम्बन्धमा ल्याएको कल्याणकारी योजनामाथि प्रकाश पार्नुभएको थियो ।

भूपू सैनिक र तिनका परिवारको अनुभव साटासाट गर्ने देखिएका समस्या समाधानको पहल गर्ने उद्देश्यले आयोजित दुईदिने सम्मेलनमा सुदूरपश्चिमका भुपू सैनिक र तिनका परिवारजनको सहभागिता छ । कार्यक्रममा सुदूरपश्चिमको लोकसंस्कृति झल्किने विभिन्न झाँकीसमेत प्रस्तुत गरिएको थियो ।

प्रतिक्रिया

सम्बन्धित सामाग्री

फेसबुक