रायमाझीले शुरु गरे हिमालयन क्लब

लन्डन । बेलायतका नेपाली व्यवसायी बल रायमाझीले लन्डनस्थित 
सडबरी टाउनमा हिमालयन क्लब रेष्टुरेन्ट एण्ड बार सञ्चालन गरेका छन् । केही महिनाअघि सिभिल इन्जिनियर पब तथा ब्लु अर्किड रेष्टुरेन्ट विक्री गरेर विश्राम लिइरहेका रायमाझीले यही महिनादेखि हिमालयन क्लब चलाउन शुरु गरेका हुन् । क्लबको औपचारिक उद्घाटन केही 
दिनमा हुने उनले जानकारी दिए ।

नेपाली, इन्डियन तथा इन्डो चाइनिज खाना उपलव्ध हुने उक्त क्लवमा प्रत्येक सप्ताहन्त लाइभ म्यूजिक समेत हुनेछ । सञ्चालक रायमाझीले क्लबमा एकसय जनासम्मका लागि जुनसुकै पार्टी, सभा समारोह वा जमघट गर्न सकिने जनाउंदै लेट नाइट म्यूजिक चलाउन लाइसेन्स समेत भएको जानकारी दिए । उक्त क्लब वेम्ली, ह्यारो र ग्रीनफोर्ड नजिक भएकाले धेरैलाई पायक पर्ने रायमाझीको विश्वास छ ।