आइतबार, कार्तिक ९ २०७७ | Sun, October 25, 2020
नेपालको समय: ०७:२७ | UK Time: 01:42

बेलायती जेलबाट छोराको ‘उद्दार’ गरिदिन बाबुको अपिल

वीनेपाली
२०७३ पुष २५ गते १३:३७

रेशम थापा

लन्डन । हाल बेलायती जेलमा रहेका आफ्नो छोरालाई ‘उद्दार’ गरिदिन उनका बाबुले अपिल गरेका छन् । बलबहादुर थापाले काठमाण्डौं परराष्ट्र मन्त्रालयमा छोरा रेशम थापाको बेलायती जेलबाट उद्दार गरि पाउं भन्दै निवेदन दिएका हुन् । बाबुले छोरालाई नेपाल फर्काउने वातावरण बनाइदिन अपिल गरेका छन् ।

निवेदनमा थापाले आफ्नो छोरा विगत ५, ६ वर्षदेखि बेलायत बस्दै आएको र शरणार्थीका रुपमा स्थायी बसोवास पाउं भनि निवेदन दिएर मुद्दाको फैसला विचाराधिन अवस्थामा रहेकै बेला प्रहरीले झुटो मुद्दा लगाइ गत मंसिर १ गते पक्राउ गरेको जिकिर गरेका छन् ।

लमजुंग भोर्लेटार ८ निवासी रेशम बेलायतको हाइ डाउन लेन सटनस्थित जेलमा छन् । तर, थापाले शरणार्थी हुन पाउं भनि दिएको निवेदनमा नक्कली कागजात पेश गरेपछि प्रहरीले पक्राउ गरेको श्रोतको दावी छ ।

परराष्ट्रले लन्डनस्थित नेपाली दूतावासलाई आवश्यक काम कारवाही गर्न अनुरोध गरेको छ ।

थापाको परिवारसंग निकट रहेका अखिल भारत नेपाली एकता मञ्चका केन्द्रीय सचिव आरबी खड्काले नेपालमा थापाको परिवार मानसिक तनावमा रहेको जनाउंदै नेपाल फर्काउनका लागि पहल गरिदिन नेपाली दूतावास र बेलायतस्थित नेपाली समुदायलाई आग्रह गरेका छन् ।

यसैबीच, लन्डनस्थित नेपाली दूतावासले थापालाई जेलमा गएर भेटिइसकेको जनाउंदै आवश्यक पहल भइरहेको जनाएको छ ।

प्रतिक्रिया

सम्बन्धित सामाग्री

फेसबुक