बेलायतमा महिलामाथि सांघातिक हमला गरेको अभियोगमा एक नेपाली पक्राउ

लण्डन । दक्षिण पश्चिम इंगल्याण्डको स्वीण्डन शहरमा एक महिलामाथि सांघातिक हमला गरेको अभियोगमा एक नेपालीलाई पक्राउ गरिएको छ।

गत बिहीबार स्थानीय बडबेरी पार्कमा एक ३६ वर्षीय महिलालाई गम्भीर कुटपिट गरेको आरोप लगाउँदै प्रहरीले स्वीण्डन निवासी विकास गुरुङलाई पक्राउ गरेको एउटा अनलाईनसमाचार पोर्टल thisiswiltshire.co.uk ले जनाएको छ।

उक्त पोर्टलका अनुसार ४१ वर्षीय गुरुङलाई तीन दिनअघि मजिस्ट्रेट सामु उपस्थित गराइएको थियो।

उनले आफु दोषी भए वा नभएको केही बताएनन्, तर मजिस्ट्रेटले उनलाई थुनामा राखी राख्‍न आदेश दिए।

अब आउँदो फेब्रुअरी ३ तारिखमा उनलाई स्वीण्डन क्राउन कोर्टमा उपस्थित गराइने छ।

प्रहरीले गुरुङले कुटपिट गरेको भनिएकी महिलाको अस्पतालमा उपचार भैरहेको र उनको स्थिति गम्भीर रहेको जनाएको छ।

ती महिलाको परिचय खुलाइएको छैन।

ती महिलामाथि किन आक्रमण गरियो भन्नेबारे पनि समाचारमा केही जनाइएको छैन।