बिहीबार, कार्तिक ६ २०७७ | Thu, October 22, 2020
नेपालको समय: ०९:५४ | UK Time: 05:09

पत्रकार बोहोराको परिवारका लागि पत्रकार महासंघ युकेद्वारा संकलित सहयोग हस्तान्तरण

वीनेपाली
२०७३ पुष १३ गते २०:१७

fb_img_1482922429528
लण्डन । स्वर्गीय पत्रकार कर्ण बोहोराको परिवारको सहयोगका लागि नेपाल पत्रकार महासङ्घ युके शाखाद्वारा संकलन गरिएको रकम  हस्तान्तरण गरिएको छ ।
बुधबार नेपाल पत्रकार महासङ्घ केन्द्रीय कार्यालय सन्चारग्राम सिनामंगलमा अायाेजित एक कार्यक्रममा शाखाका सल्लाहकार भगिरथ योगीले महासंघका अध्यक्ष डा महेन्द्र विष्टलाई शाखाले संकलन गरेको दुई लाख रूपैयाँ हस्तान्तरण गरे ।

सो अवसरमा अध्यक्ष विष्टले युके शाखाको कार्यको प्रसंशा गर्दै हस्तान्तरण गरिएको सहयोग चाँडै परिवारलाई बुझाउने जानकारी दिए ।
सल्लाहकार योगीले स्वर्गीय बोहोराको परिवारलाई शाखाका तर्फबाट सानो सहयोग गर्न पाएकोमा खुशी व्यक्त गर्दै श्रीमती ममता बोहोराको शीघ्र स्वास्थ्यलाभको कामना गरे ।

कार्यक्रमको सन्चालन कोषाध्यक्ष सूर्यमणि गाैतमले गरेका थिए ।

नेपालको सुदुरपश्चिमलाई कार्यथलो बनाउदै पत्रकारिता गरेका ३८ वर्षीय बोहोराको मिर्गाैलापीडित श्रीमतीको कुरूवा बसेको अवस्थामा मंसिर १० गते निधन भएको थियो ।

 

प्रतिक्रिया

सम्बन्धित सामाग्री

फेसबुक