शुक्रबार, कार्तिक १४ २०७७ | Fri, October 30, 2020
नेपालको समय: ०७:५० | UK Time: 02:05

देश नियन्त्रणबाट बाहिर जाने कमल थापाको आशङ्का

वीनेपाली
२०७३ मंसिर २१ गते ११:१६
राप्रपाका अध्यक्ष कमल थापा रिपोर्टर्स क्लबले मङ्गलबार आयोजना गरेको अन्तरक्रिया कार्यक्रममा मन्तव्य व्यक्त गर्दै । तस्बिर ः कृष्णराज गौतम, रासस

राप्रपाका अध्यक्ष कमल थापा रिपोर्टर्स क्लबले मङ्गलबार आयोजना गरेको अन्तरक्रिया कार्यक्रममा मन्तव्य व्यक्त गर्दै । तस्बिर ः कृष्णराज गौतम, रासस

काठमाडौँ, २१ मङ्सिर । राप्रपाका अध्यक्ष कमल थापाले राष्ट्रिय एकता र मुलुकको अखण्डताका लागि दलहरुका नेतृत्व एकताबद्ध हुन नसके देश नियन्त्रणबाट बाहिर जाने आशङ्का गर्नुभएको छ ।

रिपोर्टर्स क्लब नेपालले आज आयोजना गरेको कार्यक्रममा उहाँले संविधान जारी भएको करिब १५ महिना भए पनि कार्यान्वयनमा समस्या देखिएकाले सबै दल जिम्मेवार भई समस्या समाधानका लागि अगाडि बढ्नुपर्ने सुझाव दिनुभयो ।

यथास्थितिमा विधेयक स्विकार्न नसकिने बताउँदै उहाँले भन्नुभयो–“विधेयकमा समावेश गरिएका अधिकांश विषयवस्तु तथा दफा राष्ट्रको हितमा छैनन् । ” उहाँले विधेयकप्रति मधेसी मोर्चा असन्तुष्ट तथा प्रमुख प्रतिपक्षसहित केही दलका साथै प्रदेश नं ५ का जनता आन्दोलनमा रहेकाले सरकारले विकल्प खोज्नुपर्नेमा जोड दिनुभयो ।

अध्यक्ष थापाले निर्धारित समयभित्र तीन चरणको चुनाव गराउनुपर्ने संवैधानिक बाध्यता रहेको तर मधेसी मोर्चाको सहभागिताबिना चुनाव गर्न कठिन रहेको स्पष्ट गर्नुभयो ।

प्रतिक्रिया

सम्बन्धित सामाग्री

फेसबुक