सोमबार, कार्तिक १० २०७७ | Mon, October 26, 2020
नेपालको समय: २१:०१ | UK Time: 15:16

राप्रपा महाधिवेशन फागुन ६ देखि ९ सम्म हुने

वीनेपाली
२०७३ मंसिर १८ गते १३:१५
कमल थापा

कमल थापा

काठमाडौँ, १८ मङ्सिर । राष्ट्रिय प्रजातन्त्र पार्टीको महाधिवेशन आगामी फागुन ६, ७, ८ र ९ गते काडमाडौँमा हुने भएको छ ।

सो पार्टीको कार्यसम्पादन समितिको पार्टी अध्यक्ष कमल थापाको अध्यक्षतामा आज बसेको बैठकले महाधिवेशनको मिति, स्थान र व्यवस्थापन तथा पार्टीको स्थानीय तहको निर्वाचनसम्बन्धी कार्यतालिका र निर्देशिका कार्यदलका संयोजक बुद्धिमान तामाङद्वारा प्रस्तुत प्रतिवेदन परिमार्जनसहित पारित गरेको छ ।

त्यसैगरी, संविधान संशोधनसम्बन्धी प्रस्तावको संवेदनशीलता र गम्भीरतालाई दृष्टिगत गर्दै सम्बद्ध पक्षसँग गहन छलफल गर्नुपर्ने ठहर गर्दै बैठकले कानुनविद्, मधेस केन्द्रित राजनीतिक दल एवम् कार्यकर्तासँग परामर्श गर्ने निर्णय गरेको पनि सो पार्टीद्वारा आज जारी विज्ञप्तिमा जनाइएको छ ।

प्रतिक्रिया

सम्बन्धित सामाग्री

फेसबुक