सोमबार, कार्तिक १० २०७७ | Mon, October 26, 2020
नेपालको समय: १५:३८ | UK Time: 09:53

राष्ट्रिय प्रजातन्त्र पार्टीेले संविधान संशोधनमा रचनात्मक सहयोग गर्ने

वीनेपाली
२०७३ मंसिर ९ गते १८:१४
राष्ट्रिय प्रजातन्त्र पार्टीेका अध्यक्ष कमल थापा बिहीबार केन्द्रीय कार्यसमितिको बैठकको निर्णय सार्वजनिक गर्न आयोजित पत्रकार सम्मेलनमा सहभागी हुँदै । तस्बिरःकृष्णराज गौतम, रासस

राष्ट्रिय प्रजातन्त्र पार्टीेका अध्यक्ष कमल थापा बिहीबार केन्द्रीय कार्यसमितिको बैठकको निर्णय सार्वजनिक गर्न आयोजित पत्रकार सम्मेलनमा सहभागी हुँदै । तस्बिरःकृष्णराज गौतम, रासस

 

काठमाडौँ, ९ मङ्सिर । राष्ट्रिय प्रजातन्त्र पार्टीे केन्द्रीय कार्यसमितिको आजको बैठकले राष्ट्रिय एकता, अखण्डता र हितलाई दृष्टिगत गर्दै मधेस समस्याको समाधानका लागि संविधान संशोधनमा रचनात्मक सहयोग गर्ने निर्णय गरेको छ ।

बुधबारदेखि यहाँ बसेको बैठक आज सम्पन्न भएपछि आयोजित पत्रकार सम्मेलनमा पार्टीका अध्यक्ष कमल थापाले संविधान कार्यान्वयनका लागि राष्ट्रिय सहमतिमा संविधान संशोधनको कार्य अगाडि बढाउन सरकारलाई आग्रह गर्नुभयो । उहाँले मुलुकमा धर्मनिरपेक्षताका आडमा धर्म परिवर्तन गराउने कार्य नियन्त्रण गर्न माग गर्दै संविधान संशोधनका क्रममा नेपाललाई हिन्दू राष्ट्र कायम गराइने जिकिर गर्नुभयो ।

सो अवसरमा पार्टीका राष्ट्रिय अध्यक्ष पशुपतिशम्शेर जबराले देशमा राष्ट्रवादी शक्तिको खाँचो रहेकाले अब पार्टीलाई अग्रणी स्थानमा पुरयाइने प्रतिबद्धता व्यक्त गर्नुभयो । पार्टीका वरिष्ठ नेता डा प्रकाशचन्द्र लोहनीले सो पार्टी अहिले सरकारमा रहे पनि महत्वपूर्ण निर्णय गर्ने सन्दर्भमा बेवास्ता गरिँदै आएकाले सरकारमा सहभागी हुनेबारेमा पुनःविचार गर्नुपर्ने विचार व्यक्त गर्नुभयो ।

एकीकरण भएपछि पहिलो पटक बसेको उक्त बैठकले आगामी माघ महिनाभित्र पार्टीको अधिवेशन गर्ने निर्णय समेत गरेको छ । जिल्ला, क्षेत्र, नगर, गाउँ तथा वडा एकाइ समितिको एकीकृत कार्यसमिति गठन गर्ने र पार्टीका सुल्झन बाँकी विषयलाई महाधिवेशनले टुङ्गो लगाउने निर्णय बैठकले गरेको छ । गत सोमबार राप्रपा नेपाल र राप्रपाबीच एकीकरण भएको हो ।

प्रतिक्रिया

सम्बन्धित सामाग्री

फेसबुक