रामदेवको शिविर राष्ट्रपतिद्वारा उद्घाटन

योग शिविर उद्घाटन ः वीरगन्जको आदर्शनगर रङ्गशालामा विहिबार अयोजित योग विज्ञान शिविर २०७३को उद्घाटन गर्दै राष्ट्रपति विद्यादेवि भण्डारी । शिविरको उद्घाटन सत्रलाई सम्बोधन गर्दै राष्ट्रपति भण्डारीले स्वास्थ तन, स्वास्थ मनले नै स्वास्थ समाजको निर्माण हुने विचार व्यक्त गर्नुभएको छ । तस्विर ः बिजय कुमार महतो, रासस

योग शिविर उद्घाटन ः वीरगन्जको आदर्शनगर रङ्गशालामा विहिबार अयोजित योग विज्ञान शिविर २०७३को उद्घाटन गर्दै राष्ट्रपति विद्यादेवि भण्डारी । शिविरको उद्घाटन सत्रलाई सम्बोधन गर्दै राष्ट्रपति भण्डारीले स्वास्थ तन, स्वास्थ मनले नै स्वास्थ समाजको निर्माण हुने विचार व्यक्त गर्नुभएको छ । तस्विर ः बिजय कुमार महतो, रासस

वीरगन्ज, ९ मङ्सिर । राष्ट्रपति विद्यादेवी भण्डारीले पूर्वीय सभ्यताको अभिन्न अङ्गको रुपमा रहेको योगले मानवजीवन स्वस्थ बनाउने भएकाले यसको अपरिहार्य आवश्यकता रहेको बताउनुभएको छ ।

वीरगन्जको आदर्शनगर रङ्गशालामा आजदेखि सञ्चालित योग विज्ञान शिविर—२०७३ को आज विहान उद्घाटन गर्दै राष्ट्रपति भण्डारीले योगको अभ्यासले मानव शरीरमा चेतनाको विकास गर्दछ भन्नुभयो । योगको महत्वलाई सम्मान गर्दै संयुक्त राष्ट्रसङ्घले पनि राष्ट्रिय योग दिवस मनाउने गरेको स्मरण गर्दै राष्ट्रपति भण्डारीले आयुर्वेद चिकित्सा पद्धतिमा आधारित यो विद्याले मानिसको जीवनलाई स्वस्थ बनाउने गर्दछ भन्नुभएको छ ।

उहाँले यो देश ऋषिमुनिको तपोभूमि हो र वैदिक शास्त्रले पनि यसलाई मानेको छ भन्नुभयो । योग शिक्षाले जीवन स्वच्छ र शान्त बनाउने भएकाले यसको विकासमा जोड दिनुपर्दछ भन्दै राष्ट्रपति भण्डारीले योग शिविरले स्वस्थ र शान्त वीरगन्ज देओस् भन्ने कामना पनि गर्नुभयो ।

सोही अवसरमा गैरआवासीय नेपाली सङ्घ (एनआरएन)का संस्थापक अध्यक्ष उपेन्द्र महतोले समृद्ध देशको नागरिक बन्ने हामी सबै नेपालीको चाहना भएकाले कसरी नेपाललाई समृद्ध देश बनाउने भन्नेतर्फ सोच्नु आजको आवश्यकता भएको बताउनुभयो ।

सो अवसरमा स्वामी रामदेव, आचार्य बालकृष्ण, भारतीय राजदूत रणजीत राय, रुसी राजदूत आन्द्रेई सेरगेयेभिच वुद्निक, मन्त्रिगणलगायत विशिष्ट व्यक्तिको उपस्थिति छ ।

सो अवसरमा स्वामी रामदेवले राष्ट्रपति भण्डारीलाई दोसल्ला ओढाई सम्मान पनि गर्नु भएको थियो । विहान ५ः२३ बजे उदघाटन गर्नु भएको र पाँचहजारभन्दा बढी मानिसको सहभागिता रहेको शिविरमा स्वामी रामदेवले योगाभ्यास गराउनुभएको थियो ।

प्रतिक्रिया

सम्बन्धित सामाग्री